Latest
പ്രധാനമന്ത്രി ഫാം മിന് ചിന്നുമായി ആശയവിനിമയം നടത്തി
ന്യൂഡല്ഹി: വിയറ്റ്നാം പ്രധാനമന്ത്രി ഫാം മിന് ചിന്നുമായി ആശയവിനിമയം നടത്തി പ്രധാനമന്ത്രി നരേന്ദ്ര മോദി. വിയറ്റ്നാമിന്റെ പുതിയ പ്രധാനമന്ത്രിയായി നിയമിതനായ ഫാം മിന് ചിന്നിനെ നരേന്ദ്ര മോദി അഭിനന്ദിച്ചു. ടെലഫോണിലൂടെയാണ് ഇരുനേതാക്കളും ആശയവിനിമയം നടത്തിയത്.ഫാം മിന് ചിന്നിന് കീഴില് ഇന്ത്യ-വിയറ്റ്നാം ബന്ധം കൂടുതല് ശക്തമാകുമെന്ന് പ്രധാനമന്ത്രി പറഞ്ഞു. ഇന്ത്യന് മഹാസമുദ്ര മേഖലയെക്കുറിച്ച് ഇരു രാജ്യങ്ങളും സമാനമായ കാഴ്ചപ്പാടാണ് പങ്കിടുന്നതെന്നും അതിനാല് പ്രാദേശിക ഭദ്രത, അഭിവൃദ്ധി, വികസനം എന്നിവ പ്രോത്സാഹിപ്പിക്കുന്നതിന് ഇന്ത്യയും വിയറ്റ്നാമും തമ്മിലുള്ള സമഗ്രവും തന്ത്രപരവുമായ പങ്കാളിത്തം സഹായിക്കുമെന്നും അദ്ദേഹം ചൂണ്ടിക്കാട്ടി.