ന്യൂഡല്ഹി : എ.ടി.എമ്മുകളില് നിന്ന് പണം പിന്വലിക്കുന്നതിന് പുതിയ നിയമങ്ങളുമായി എസ്.ബി.ഐ. ബേസിക് സേവിങ്സ് ഡെപ്പോസിറ്റ് അക്കൗണ്ട് ഉടമകള്ക്കാണ് പുതിയ നിയമങ്ങള് ബാധകമാവുക. എ.ടി.എമ്മുകളില് നിന്ന് പ്രതിമാസം നാല് തവണ മാത്രമാണ് ബേസിക് സേവിംഗ്സ് അക്കൗണ്ട് ഉടമകള്ക്ക് പണം പിന്വലിക്കാനാകുക. പിന്നീട് ഓരോ തവണ പണം പിന്വലിക്കുമ്ബോഴും 15 രൂപ ജി.എസ്.ടി ഇനത്തില് നല്കേണ്ടി വരും.
ചെക്ക്ബുക്ക് ചാര്ജ്ജുകളിലും മാറ്റങ്ങള് വരും . 10 പേജുള്ള ചെക്ക്ബുക്കാണ് എസ്.ബി.ഐ നിലവില് സൗജന്യമായി നല്കുന്നത്. എന്നാല് ഇനി മുതല് ഇതിന് 10 ലീഫുള്ളതിന് 40 രൂപയും 25 ലീഫുള്ളതിന് 75 രൂപയും നല്കണം. അടിയന്തരമായി ചെക്ക്ബുക്ക് ലഭിക്കണമെങ്കില് 50 രൂപയും നല്കണം. ജൂലൈ ഒന്ന് മുതല് പുതിയ മാറ്റങ്ങള് നിലവില് വരുമെന്നും എസ്.ബി.ഐ അറിയിച്ചു.