പാലാ: പാലായില് വനിതാ ഗുമസ്തയ്ക്കുനേരെ കൈയേറ്റശ്രമം. പാലാ കുടുംബ കോടതിയിലെ ഒരു വിവാഹ മോചനക്കേസുമായി ബന്ധപ്പെട്ട നോട്ടീസ് നേരിട്ട് നല്കാനെത്തിയപ്പോഴാണ് ഗുമസ്തയായ റിന്സിക്ക് നേരെ ആക്രമണമുണ്ടായത്.
പൂഞ്ഞാര് സ്വദേശിനിയായ യുവതിയുടെയും തലയോലപ്പറമ്ബ് സ്വദേശിയായ യുവാവിന്റെയും വിവാഹ മോചനവുമായി ബന്ധപ്പെട്ടാണ് സംഭവം. ഇരുവരുടെയും വിവാഹ മോചന കേസുമായി ബന്ധപ്പെട്ട് പാലാ കുടുംബ കോടതിയില് കേസ് നടക്കുകയാണ്. ഇവരുടെ കുട്ടിയെ ഭര്ത്താവിനെ കാണിക്കണമെന്ന് കോടതി ഉത്തരവിട്ടിരുന്നു.
ഈ ഉത്തരവ് മൂന്ന് തവണ യുവതിയുടെ കുടുംബം കൈപ്പറ്റിയിരുന്നില്ല. ഇതേതുടര്ന്നാണ് ഗുമസ്ത ഈ ഉത്തരവുമായി യുവാവിനോപ്പം യുവതിയുടെ വീട്ടിലെത്തിയപ്പോഴാണ് അക്രമം ഉണ്ടായത്.
യുവതിയുടെ അച്ഛന് ജെയിംസ് കല്ലുകൊണ്ട് ഗുമസ്തയെ അടിക്കാനും പിടിച്ചുവയ്ക്കാനും ശ്രമിച്ചു. സഹോദരനും ഇവരെ ആക്രമിക്കാന് ശ്രമിച്ചു. കാറിലുണ്ടായിരുന്ന യുവതിയുടെ ഭര്ത്താവാണ് ദൃശ്യങ്ങള് പകര്ത്തിയത്. സംഭവത്തില് ഈരാട്ടുപേട്ട പോലീസില് പരാതി നല്കിയിട്ടുണ്ട്.