വനിതാ ഹോക്കി: ഇന്ത്യ ക്വാര്ട്ടറിലേക്ക്
വനിതാ ഹോക്കി: ഇന്ത്യ ക്വാര്ട്ടറിലേക്ക്
ടോക്കിയോ: ഒളിമ്ബിക്സ് വനിതാ ഹോക്കിയില് ഇന്ത്യ ചരിത്ര നേട്ടത്തിനരികെ. ദക്ഷിണാഫ്രിക്കയെ മൂന്നിനെതിരേ നാല് ഗോളുകള്ക്ക് വീഴ്ത്തിയാണ് ഇന്ത്യ ക്വാര്ട്ടര് പ്രതീക്ഷ നിലനിര്ത്തിയത്. വന്ദന കതാര്യയുടെ ഹാട്രിക്കാണ് ഇന്ത്യയ്ക്ക് വിജയം സമ്മാനിച്ചത്. നേഹ ഒരു ഗോള് നേടി.
വൈകിട്ട് നടക്കുന്ന ബ്രിട്ടണ്-അയര്ലന്ഡ് മത്സരത്തിന്റെ ഫലമാണ് ഇന്ത്യയുടെ വിധി നിര്ണയിക്കുക. അയര്ലന്ഡ് തോറ്റാല് ചരിത്രത്തില് ആദ്യമായി ഇന്ത്യന് വനിതകള് ഒളിമ്ബിക്സ് ക്വാര്ട്ടര് ബര്ത്ത് നേടും. ഗ്രൂപ്പ് ഘട്ടത്തിലെ അഞ്ച് മത്സരങ്ങള് പൂര്ത്തിയായപ്പോള് രണ്ടു ജയവുമായി ടീം ഇന്ത്യ നാലാം സ്ഥാനത്താണ്. 12 പോയിന്റുമായി നെതര്ലന്ഡ്സ്, ജര്മനി ടീമുകള് ഇന്ത്യ ഉള്പ്പെട്ട പൂള് എയില് ഒന്നും രണ്ടും സ്ഥാനങ്ങളില് യഥാക്രമം ഉണ്ട്. ഇന്ത്യയ്ക്കും ബ്രിട്ടണും ആറ് പോയിന്റ് വീതമാണെങ്കിലും ഗോള് ശരാശരിയില് ഇന്ത്യ നാലാമതാണ്.