ചേര്ത്തല ;നാലായിരത്തിലേറെ പാട്ടുകളുടെ രചന നിര്വഹിച്ച് കവിയും, ഗാന രചയിതാവുമായ രാജീവ് ആലുങ്കല്. ആലപ്പുഴ, ചേര്ത്തലയില് നിന്നും തന്റെ, പതിനേഴാം വയസില് പാട്ടെഴുത്തിന്റെ വഴിയില് എത്തിയ രാജീവ് – നാടകം, ആല്ബം, സിനിമ എന്നീ മൂന്നു രംഗങ്ങളിലുമായി നാലായിരലേറെ പാട്ടുകളാണ് ഇതിനകം രചിച്ചത്. ഒരു രംഗത്ത് ഇതിലേറെ സംഭാവനകള് ചെയ്ത നിരവധി ഗാനരചയിതാക്കള് ഉണ്ടെങ്കിലും, മൂന്നു രംഗങ്ങളിലും ഒരുപോലെ പാട്ടെഴുതിയാണ് രാജീവ് ആലുങ്കല് ശ്രദ്ധേയനാകുന്നത്. 260 നാടകങ്ങള്ക്കായി 1,100 ല്പ്പരം ഗാനങ്ങളും, 250 ഓഡിയോ ആല്ബങ്ങള്ക്കായി 2,500 ഗാനങ്ങളും, 130ല്പ്പരം സിനിമകള്ക്കായി 350 ഗാനങ്ങളും രാജീവ്ആലുങ്കല് രചിച്ചിട്ടുണ്ട്.
കൂടാതെ ആകാശവാണി, ദൂരദര്ശന് എന്നിവയ്ക്കുവേണ്ടി 150-ല് പരം പാട്ടുകള് എഴുതിയിട്ടുണ്ട് . കൂടാതെ നിരവധി രാഷ്ട്രീയ പ്രചാരണ ഗാനങ്ങളും രചിട്ടുണ്ട്. ഗാനഗന്ധര്വന് യേശുദാസ് ഉള്പ്പെടെ പ്രശസ്തരായ എല്ലാഗായകരും രാജീവ് ആലുങ്കലിന്റെ ഗാനങ്ങള് ആലപിച്ചിട്ടുണ്ട്. ദക്ഷിണാമൂര്ത്തി, ജയവിജയ (ജയന്), എ.ആര്. റഹ്മാന്, പെരുമ്പാവൂര് ജി. രവീന്ദ്രനാഥ്, രവീന്ദ്രന് മാഷ്, എം.ജി. രാധാകൃഷ്ണന്, വിദ്യാസാഗര് തുടങ്ങിയ പ്രശസ്ത സംഗീതജ്ഞരോടൊപ്പവും രാജീവ് പാട്ടുകളൊരുക്കിയിട്ടുണ്ട്.