കോഴിക്കോട്: കേരളത്തില് ബ്ലാക്ക് ഫംഗസ് മരണം. കോഴിക്കോട് മെഡിക്കല് കോളജില് ചികിത്സയിലായിരുന്ന 75 കാരനാണ് മരിച്ചത്. മലപ്പുറം വളാഞ്ചേരി സ്വദേശി അഹമ്മദ് കുട്ടിയാണ് ഇന്നലെ വൈകീട്ട് 6.15 ഓടെ മരണത്തിനു കീഴടങ്ങിയത്.
കൊവിഡ് നെഗറ്റീവായതിന് പിന്നാലെ ബ്ലാക്ക് ഫംഗസ് രോഗം സ്ഥിരീകരിക്കുകയും കോഴിക്കോട് മെഡിക്കല് കോളജില് പ്രവേശിപ്പിക്കുകയും ചെയ്യുകയായിരുന്നു. ഇതുവരെ കോഴിക്കോട് മെഡിക്കല് കോളജില് 52 വ്യക്തികളാണ് ബ്ലാക്ക് ഫംഗസ് ബാധയേറ്റ് ചികിത്സ തേടിയത്. ഇതിനിടെ ഇന്നലെ എറണാകുളത്ത് വീണ്ടും ബ്ലാക് ഫംഗസ് ബാധ റിപ്പോര്ട്ട് ചെയ്തിരുന്നു. ഉദയംപേരൂര് സ്വദേശിനിയായ വീട്ടമ്മയ്ക്കാണ് രോഗം സ്ഥിരീകരിച്ചത്.