ന്യൂഡല്ഹി: ഡല്ഹിയില് വീണ്ടും വെടിവയ്പ്. ജരോദ കലാന് മേഖലയിലാണ് പോലീസിനു നേരെ ഗുണ്ടകളുടെ വെടിവയ്പുണ്ടായത്. ഏറ്റുമുട്ടലില് ആര്ക്കും പരിക്കേറ്റതായി റിപ്പോര്ട്ടില്ല. സംഭവത്തില് നാലു പേരെ പോലീസ് അറസ്റ്റ് ചെയ്തു. ഒരാഴ്ച മുമ്പ് ഡല്ഹിയില് കോടതി മുറിക്കുള്ളില് നടന്ന വെടിവെപ്പില് ഗുണ്ടാതലവനടക്കം മൂന്നു പേര് കൊല്ലപ്പെട്ടിരുന്നു.
കൊടും കുറ്റവാളി ജിതേന്ദര് ഗോഗിക്ക് നേരെ അഭിഭാഷക വേഷത്തിലെത്തിയ രണ്ട് അക്രമികള് വെടിവയ്ക്കുകയായിരുന്നു. പോലീസ് നടത്തിയ പ്രത്യക്രമണത്തിലാണ് അക്രമികളെ വധിച്ചത്. സുരക്ഷാ വീഴ്ചയില് ഡല്ഹി പോലീസിനെതിരെ വിമര്ശനം ശക്തമായിരുന്നു.