ബാലുശ്ശേരി :പനങ്ങാട് പഞ്ചായത്തിലെ പൂവമ്പായിക്കടുത്ത കുറ്റിക്കണ്ടി ഷിനോദിന്റെ വീട്ടിനകത്ത് പതിച്ച ടൈലുകള് പൊട്ടിത്തെറിച്ചു. ഡൈനിങ് ഹാളിലെ നിലത്ത് പതിച്ച ടൈലുകളാണ് താനെ പൊട്ടി ഉയര്ന്നത്. മാലപ്പടക്കത്തിന്റെ ശബ്ദത്തോടെ ബുധനാഴ്ച രാത്രി ഒന്പതരയോടെ ടൈലുകള് മുഴുവനും പൊട്ടി ഇളകി ഉയര്ന്നുവരുകയായിരുന്നു. ശബ്ദം കേട്ട് പരിഭ്രാന്തരായ വീട്ടുകാര് പുറത്തിറങ്ങി നില്ക്കുകയായിരുന്നു. സമീപവാസികള് വിവരമറിയിച്ചതിനെ തുടര്ന്ന് ബാലുശ്ശേരി പൊലീസ് വീട് സന്ദര്ശിച്ച് വീട്ടുകാരോട് താല്ക്കാലികമായി മാറിത്താമസിക്കാന് നിര്ദേശിച്ചു.
പഞ്ചായത്ത് പ്രസിഡന്റ് വി.എം.കുട്ടികൃഷ്ണന്, വാര്ഡ് മെംബര് പ്രകാശിനി എന്നിവര് വീട് സന്ദര്ശിച്ചു. ജിയോളജി, ഭൂഗര്ഭജല വകുപ്പ് എന്നിവരെ വിവരമറിയിക്കുകയും ചെയ്തു. വീടിന്റെ മറ്റൊരു കിടപ്പുമുറിയിലും ഇതേ രീതിയില് ശബ്ദത്തോടെ ടൈലുകള് പൊട്ടി ഉയര്ന്നുതുടങ്ങിയിട്ടുണ്ട്. വിവരമറിഞ്ഞ് ധാരാളം പേര് വീട് സന്ദര്ശിക്കാനെത്തുന്നുണ്ട്