സമാന്തര വിദ്യാഭ്യാസ സ്ഥാപനങ്ങള് തുറക്കുന്നതു പരിഗണനയില്
തിരുവനന്തപുരം: കോവിഡ് സാഹചര്യവും വാക്സിനേഷന് നിരക്കും വിലയിരുത്തി, സമാന്തര വിദ്യാഭ്യാസ സ്ഥാപനങ്ങള് തുറക്കുന്നതു പരിഗണനയിലാണെന്ന് മന്ത്രി വി.ശിവന്കുട്ടി നിയമസഭയില് പറഞ്ഞു. മുഖ്യമന്ത്രി വിളിച്ചു ചേര്ക്കുന്ന ക്രൈസിസ് മാനേജ്മെന്റ് ഗ്രൂപ്പ് വാക്സിനേഷന് പുരോഗതിയും സാമൂഹിക ആരോഗ്യ പരിപാലന വിഷയങ്ങളും കണക്കിലെടുത്ത ശേഷമാണ് നിയന്ത്രണങ്ങളും ഇളവുകളും തീരുമാനിക്കുന്നത്.
പ്രഫഷണല് കോളജുകള് ഉള്പ്പെടെയുള്ള എല്ലാ ഉന്നതവിദ്യാഭ്യാസ സ്ഥാപനങ്ങളും സ്കൂളുകളും കര്ശന നിബന്ധനകളോടെ തുറക്കുന്ന സാഹചര്യത്തില് സമാന്തര വിദ്യാഭ്യാസ സ്ഥാപനങ്ങള് മാത്രം അടച്ചിടേണ്ട കാര്യമില്ലെന്നും കളക്ടര്മാര്ക്ക് ഇതുസംബന്ധിച്ച നിര്ദേശം നല്കുമെന്നും വി.ജോയിയുടെ സബ്മിഷന് മന്ത്രി മറുപടി നല്കി.