ന്യൂഡല്ഹി: നീറ്റ് പരീക്ഷാഫലം പ്രഖ്യാപിക്കാന് നാഷണല് ടെസ്റ്റിംഗ് ഏജന്സിക്ക് സുപ്രീം കോടതിയുടെ നിര്ദ്ദേശം. നീറ്റ് പരീക്ഷയില് ഒഎംആര് ബുക്ക്ലെറ്റ് മാറിയെന്ന് പരാതിപ്പെട്ട രണ്ടു വിദ്യാര്ഥികള്ക്കായി വീണ്ടും നടത്തണമെന്ന ബോംബെ ഹൈക്കോടതിയുടെ ഉത്തരവ് സ്റ്റേ ചെയ്താണ് സുപ്രീം കോടതിയുടെ നിര്ദേശം.
രാജ്യത്തെ 16 ലക്ഷത്തോളം വിദ്യാര്ഥികളുടെ പരീക്ഷാഫലം രണ്ടു വിദ്യാര്ഥികള്ക്കായി മാറ്റിവയ്ക്കാനാകില്ലെന്നും സുപ്രീം കോടതി നിരീക്ഷിച്ചു. ഹൈക്കോടതി ഉത്തരവ് മുഴുവന് പരീക്ഷാഫലത്തെയും ബാധിക്കുമെന്നും വിദ്യാര്ഥികള് ആശങ്കയിലാണെന്നും ചൂണ്ടിക്കാട്ടിയാണ് നാഷണണല് ടെസ്റ്റിംഗ് എജന്സി ഹര്ജി നല്കിയത്.