LatestThiruvananthapuram
ലൈഫ് സയന്സ് പാര്ക്കില് വാക്സിന് ഉത്പാദന മേഖല സ്ഥാപിക്കും
തിരുവനന്തപുരം : തോന്നക്കലിലെ ലൈഫ് സയന്സ് പാര്ക്കില് വാക്സിന് ഉത്പ്പാദന മേഖല സ്ഥാപിക്കാനായി മന്ത്രിസഭായോഗം തീരുമാനിച്ചു. കൂടാതെ വാക്സിന് ഉല്പ്പാദന യൂണിറ്റ് ആരംഭിക്കാന് തയ്യാറാകുന്ന ആങ്കര് വ്യവസായങ്ങള്ക്ക് പ്രത്യേക പാക്കേജ് അനുവദിക്കും. ലീസ് പ്രീമിയത്തിന്റെ 50 ശതമാനം സബ്സിഡിയോടെ 60 വര്ഷത്തേക്ക് പാട്ടത്തിന് ഭൂമി നല്കുന്നതാണ്.
കെ എസ് ഐ ഡി സിയുമായുള്ള പാട്ടക്കരാര് രജിസ്റ്റര് ചെയ്യുന്നതിന് സ്റ്റാംപ് ഡ്യൂട്ടിയും രജിസ്ട്രേഷന് ഫീസും ഒഴിവാക്കും. ഉപകരണങ്ങള്, പ്ലാന്റ്, യന്ത്രങ്ങള് എന്നിവയുടെ വിലയുടെ 30 ശതമാനം വരെയുള്ള തുക ഫില് ഫിനിഷ് യൂണിറ്റിന് ഒരു കോടി രൂപയ്ക്കകത്തും വാക്സിന് ഉല്പ്പാദന യൂണിറ്റിന് അഞ്ച് കോടിരൂപയ്ക്കകത്തും സബ്സിഡിനിരക്കിലെ മൂലധനസഹായം എന്ന നിലക്ക് നല്കും.