അയോധ്യയിലേക്ക് സൗജന്യ യാത്ര
ന്യൂഡല്ഹി: അയോധ്യയിലേക്ക് മുതിര്ന്ന പൗരന്മാര്ക്ക് സൗജന്യ തീര്ഥയാത്ര പദ്ധതി പ്രഖ്യാപിച്ച് ഡല്ഹി സര്ക്കാര്. നിലവില് രാമേശ്വരം, ദ്വാരക, പുരി, ഹരിദ്വാര്, മഥുര, വൃന്ദാവന്, വൈഷ്ണോ ദേവി, തുടങ്ങിയ സ്ഥലങ്ങളിലേക്ക് മുതിര്ന്ന പൗരന്മാര്ക്കായി സൗജന്യ തീര്ഥ യാത്ര പദ്ധതി ഡല്ഹി സര്ക്കാറിന് കീഴിലുണ്ട്.
എ.സി ട്രെയിന് ടിക്കറ്റ്, താമസം, ഭക്ഷണം, പ്രാദേശിക യാത്ര തുടങ്ങി എല്ലാ ചിലവും സര്ക്കാര് വഹിക്കും.
”എനിക്ക് ശ്രീ രാമ പ്രതിമയെ തൊഴാനുള്ള ഭാഗ്യം ലഭിച്ചു. എല്ലാവര്ക്കും ഇതിനുള്ള അവസരം ലഭിക്കണമെന്ന് ഞാന് ആഗ്രഹിക്കുന്നു. എനിക്കുള്ള അധികാരം ഉപയോഗിച്ച് ജനങ്ങള്ക്ക് ഇവിടെ ദര്ശനം നല്കുന്നതിനുള്ള അവസരം നല്കും” -ക്ഷേത്ര സന്ദര്ശനത്തിന് ശേഷം കെജ്രിവാള് പ്രതികരിച്ചു.
അതെ സമയം കെജ്രിവാളിന്റെ അയോധ്യ സന്ദര്ശനത്തെ പരിഹസിച്ച് ബി.ജെ.പി എം.പി ഗൗതം ഗംഭീര് രംഗത്തെത്തി. കെജ്രിവാളിന്റെത് ഇരട്ടത്താപ്പാണെന്നും രാമജന്മഭൂമിയിലെത്തി തന്റെ പാപങ്ങള് കഴുകിക്കളയാനാണ് അദ്ദേഹം ശ്രമിക്കുന്നതെന്നും ഗംഭീര് ആരോപിച്ചു .