അലനല്ലൂര്: കോട്ടോപ്പാടം കച്ചേരിപറമ്പില് വീണ്ടും കാട്ടാനകളുടെ താണ്ഡവം. ചൊവ്വാഴ്ച രാത്രി ഇറങ്ങിയ കാട്ടാനക്കൂട്ടം പിലാച്ചുള്ളി പാടത്തെ താളിയില് ഇപ്പുവിന്റെ 26 കവുങ്ങും തെങ്ങും നശിപ്പിച്ചു.
കച്ചേരിപറമ്പ് ഭാഗത്ത് വനം വകുപ്പ് സ്ഥാപിച്ച സോളാര് കമ്പിവേലി പ്രവര്ത്തന രഹിതമായതാണ് ആനകള് സ്ഥിരമായി പ്രദേശത്ത് എത്താന് കാരണമെന്ന് കര്ഷകര് പറയുന്നു. പാട്ടാപ്പകല് പോലും ആനകള് ജനവാസ മേഖലകളില് എത്തുന്ന സ്ഥിതിയാണ് നിലവിലുള്ളത്.
നിലവിലുള്ള മാര്ഗം ഉപയോഗിച്ച് വനം വകുപ്പ് ആനകളെ മലകയറ്റാറുണ്ടെങ്കിലും തിരികെയെത്തുന്ന സാഹചര്യമാണുള്ളത്. വിഷയത്തിന് ശാശ്വത പരിഹാരം കാണണമെന്നാണ് നാട്ടുകാര് പറയുന്നത്.