കൂടുതല് പ്ലസ് വണ് ബാച്ചുകള് അനുവദിക്കും; മന്ത്രി ശിവന്കുട്ടി
തിരുവനന്തപുരം: പ്ലസ് വണ് പഠനം ആഗ്രഹിക്കുന്ന എല്ലാ വിദ്യാര്ത്ഥികള്ക്കും തുടര് വിദ്യാഭ്യാസത്തിനുള്ള സൗകര്യം ഒരുക്കുമെന്ന് വിദ്യാഭ്യാസ മന്ത്രി വി. ശിവന്കുട്ടി. അതിനായി സീറ്റ് അധികം ആവശ്യമുള്ള സ്കൂളുകളില് ഈ മാസം 23 ഓടെ പുതിയ ബാച്ച് അനുവദിക്കും. ഇക്കാര്യത്തില് ആര്ക്കും ആശങ്ക വേണ്ടെന്നും മന്ത്രി പറഞ്ഞു.
സ്കൂള് തുറക്കുന്നത് സംബന്ധിച്ച് പൊതുസമൂഹത്തിലാകെ ഉത്കണ്ഠയുണ്ടായിരുന്നു. മാര്ഗരേഖ അനുസരിച്ചുള്ള അധ്യാപനം ഉറപ്പാക്കിയതിലൂടെ സര്ക്കാരിന് ആ ഉത്കണ്ഠ അകറ്റാന് സാധിച്ചുവെന്നും സ്കൂള് തുറന്നതിനുശേഷം 80 ശതമാനത്തോളം വിദ്യാര്ഥികള് പല ദിവസങ്ങളിലായി ഹാജരായിട്ടുണ്ടെന്നും അദ്ദേഹം വ്യക്തമാക്കി.