അഫ്ഗാനിസ്ഥാനില് ഭൂകമ്പം: 250 മരണം
കാബൂള്: കിഴക്കന് അഫ്ഗാനിസ്ഥാനില് ശക്തമായ ഭൂകമ്പത്തില് 250 പേര് മരിച്ചു. പക്തിക പ്രവിശ്യയിലാണ് ഭൂകമ്പം കൂടുതല് നാശം വിതച്ചത്. റിക്ടര് സ്കെയിലില് 6.1 തീവ്രത രേഖപ്പെടുത്തിയ ഭൂചലനം ബുധനാഴ്ച പുലർച്ചെയാണ് അനുഭവപ്പെട്ടത്.
അഫ്ഗാനിസ്ഥാനിലെ കിഴക്കന് പ്രവിശ്യകളായ നംഗര്ഹാര്, ഖോസ്റ്റ് എന്നിവിടങ്ങളിലും മരണങ്ങള് റിപ്പോര്ട്ട് ചെയ്യപ്പെട്ടിട്ടുണ്ട്. നിരവധി കെട്ടിടങ്ങള് തകര്ന്നതായാണ് വിവരം.
പാക്കിസ്ഥാന്റെ ചില ഭാഗങ്ങളിലും ഭൂകമ്പം അനുഭവപ്പെട്ടു. തെക്കുകിഴക്കന് അഫ്ഗാനിസ്ഥാനിലെ ഖോസ്റ്റ് നഗരത്തില്നിന്നും 44 കിലോമീറ്റര് അകലെ 51 കിലോമീറ്റര് താഴ്ചയിലാണ് ഭൂകമ്പം ഉണ്ടെയതെന്ന് യുഎസ് ജിയോളജിക്കല് സര്വേ അറിയിച്ചു.