വനിതകളുടെ രാത്രി നടത്തം ഇന്ന്
തിരുവനന്തപുരം: സംസ്ഥാനത്ത് വര്ധിച്ചുവരുന്ന സ്ത്രീകള്ക്കെതിരായ അതിക്രമങ്ങള്ക്കെതിരെ കെപിസിസിയുടെ നേതൃത്വത്തില് ഇന്നു രാത്രി ഒമ്പതിനു സ്ത്രീകളെ അണിനിരത്തി സംസ്ഥാന വ്യാപകമായി രാത്രി നടത്തം സംഘടിപ്പിക്കും.
‘പെണ്മയ്ക്കൊപ്പം ‘ എന്ന മുദ്രാവാക്യം ഉയര്ത്തിയാണ് വനിതകളുടെ രാത്രി നടത്തം സംഘടിപ്പിക്കുന്നത്. രാത്രി നടത്തത്തിന്റെ സംസ്ഥാനതല ഉദ്ഘാടനം കെപിസിസി പ്രസിഡന്റ് കെ.സുധാകരന് എംപി തിരുവനന്തപുരത്ത് നിര്വഹിക്കും. ജില്ലകളില് നടക്കുന്ന രാത്രി നടത്തത്തില് മഹിളാകോണ്ഗ്രസ്, യൂത്ത്കോണ്ഗ്രസ്, കെഎസ്യു ഉള്പ്പടെയുള്ള സംഘടനകളിലെ സ്ത്രീകള് അണിനിരക്കും.