വിദേശികള്ക്ക് ഡ്രൈവിംഗ് ലൈസന്സ് നല്കുന്നത് നിര്ത്തിവച്ചു
കുവൈറ്റ് സിറ്റി: വിദേശികള്ക്ക് ഡ്രൈവിംഗ് ലൈസന്സ് നല്കുന്നത് താത്കാലികമായി നിര്ത്തിവച്ച് കുവൈത്ത് . ഇനിയൊരു അറിയിപ്പുണ്ടാകുന്നതുവരെ രാജ്യത്ത് ലൈസന്സ് വിതരണം നിര്ത്തി വെക്കാന് ആഭ്യന്തരമന്ത്രാലയം അണ്ടര് സെക്രട്ടറി ലഫ്. ജനറല് ഫൈസല് അല് നവാഫ് ആണ് ഉത്തരവിട്ടത്.
നിലവില് 7 ലക്ഷത്തിലധികം വിദേശികള്ക്ക് കുവൈറ്റ് ഡ്രൈവിംഗ് ലൈസന്സുണ്ട്. ഇതില് രണ്ടര ലക്ഷത്തോളം പേര് ലൈസന്സിനുള്ള നിശ്ചിത അര്ഹത മാനദണ്ഡങ്ങള് പുലര്ത്തുന്നില്ല എന്ന വിലയിരുത്തലിന്റെ അടിസ്ഥാനത്തില് സമഗ്ര പരിശോധനക്ക് മുന്നോടിയായാണ് ലൈസന്സ് നടപടികള് നിര്ത്തിവെച്ചത്.
അതെ സമയം സമഗ്ര പരിശോധന ഈ മാസം തന്നെ തുടങ്ങും . എല്ലാ ലൈസന്സുകളും പരിശോധിച്ച് അര്ഹതയുള്ളവരുടേത് മാത്രം നില നിര്ത്താന് നടപടിക്രമങ്ങള്ക്ക് ഏകദേശം മൂന്നുമാസത്തോളം വേണ്ടിവരുമെന്നാണ് വിലയിരുത്തല്.