ന്യൂഡല്ഹി: രാജ്യത്ത് ഒമിക്രോണ് കേസുകള് ഉയരുന്നു. ഇതുവരെ 213 കേസുകളാണ് റിപ്പോര്ട്ട് ചെയ്തത്. ഇതില് ഭൂരിഭാഗവും സ്ഥിരീകരിച്ചത് ഡല്ഹി, മഹാരാഷ്ട്ര സംസ്ഥാനങ്ങളിലാണ്. കേന്ദ്ര ആരോഗ്യ മന്ത്രാലയം പുറത്തുവിട്ട കണക്കുകള് പ്രകാരം കോവിഡ് കേസുകളില് ഇന്ന് 18 ശതമാനം വര്ദ്ധനവാണ് ഉണ്ടായിരിക്കുന്നത്. അതെ സമയം രാജ്യത്ത് 6,317 പുതിയ കോവിഡ് കേസുകള് കൂടി റിപ്പോര്ട്ട് ചെയ്തു.
ഡല്ഹി, മഹാരാഷ്ട്ര സംസ്ഥാനങ്ങള്ക്ക് പുറമേ തെലുങ്കാന (20), കര്ണാടക (19), രാജസ്ഥാന് (18), കേരളം (15), ഗുജറാത്ത് (14), ഉത്തര്പ്രദേശ് (2), ആന്ധ്രപ്രദേശ് (1) , ചണ്ഡിഗഢ് (1), തമിഴ്നാട് (1), പശ്ചിമബംഗാള് (1) എന്നീ സംസ്ഥാനങ്ങളിലും ഒമിക്രോണ് റിപ്പോര്ട്ട് ചെയ്തിട്ടുണ്ട്. അതെ സമയം ഒമിക്രോണ് ബാധിതരില് 77 പേര് രോഗമുക്തരായി.