2022 ആദ്യമെത്തുന്നത് എവിടെയെന്നറിയാമോ?

കൊറോണയെന്ന മഹാമാരിയുമായി മൂന്നാം വർഷത്തിലേക്ക് കടക്കുകയാണ് ലോകം. ഇത്തവണ പുതുവത്സരം വരവേൽക്കുന്നത് ഒമിക്രോൺ എന്ന പുതിയ വകഭേദമാണെന്നിരിക്കെ അതീവ ജാഗ്രതയിലാണ് സർക്കാരുകൾ. കർശന നിയന്ത്രണങ്ങൾക്കിടയിലും 2021ന് യാത്ര പറയാനും 2022നെ വരവേൽക്കാനും ജനങ്ങളും തയ്യാറായി. അങ്ങനെയെങ്കിൽ ഈ ലോകത്ത് ആദ്യം പുതുവത്സരമെത്തുന്നതും അവസാനം പുതുവത്സരമെത്തുന്നതും എവിടെയാണെന്നറിയാമോ..?

2022നെ ലോകത്ത് ആദ്യമായി വരവേൽക്കുന്നത് പസഫിക് ദ്വീപുകളായ ടോംഗ, സമോവ, കിരിബത്തി എന്നിവയാണ്. ഡിസംബർ 31ന് ഇന്ത്യൻ സമയം 3.30 ആകുമ്പോൾ ഈ ദ്വീപുകളിൽ പുതുവർഷമാണ്. അതായത് ഈ മൂന്ന് ദ്വീപുകളിൽ ഇപ്പോൾ 2022 ആയി കഴിഞ്ഞുവെന്ന് ചുരുക്കം. ഏതാണ്ട് ഈ സമയത്തു തന്നെയാണ് ന്യൂസിലാൻഡിലും പുതുവത്സരമെത്തുന്നത്. അതേസമയം ഏറ്റവും ഒടുവിൽ ന്യൂയർ എത്തുന്ന ഇടം അമേരിക്കയ്‌ക്ക് അടുത്താണ്. ജനവാസമില്ലാത്ത ദ്വീപുകളായ ഹൗലാൻഡ്, ബേക്കർ എന്നിവിടങ്ങളാണത്. യുഎസിന് സമീപമുള്ള ഈ ദ്വീപുകളിൽ ജനുവരി ഒന്നിന് ഇന്ത്യൻ സമയം വൈകിട്ട് 5.30നാണ് ഇവിടെ ന്യൂയർ എത്തുന്നത്.

ഡിസംബർ 31ന് തന്നെ പുതുവത്സരമെത്തുന്ന മറ്റ് രാജ്യങ്ങൾ ഏതൊക്കെയാണെന്ന് നോക്കാം..

ന്യൂസിലാൻഡ്: വൈകിട്ട് 3.30ന്

ഓസ്‌ട്രേലിയ: വൈകിട്ട് 6.30ന്

ജപ്പാൻ, സൗത്ത് കൊറിയ, നോർത്ത് കൊറിയ: രാത്രി 8.30ന്

ചൈന, ഫിലിപ്പീൻസ്, സിംഗപ്പൂർ: രാത്രി 9.30ന്

ബംഗ്ലാദേശ്: രാത്രി 11.30ന്

നേപ്പാൾ: രാത്രി 11.45ന്

ഇന്ത്യയിൽ ന്യൂയർ ആഘോഷിച്ചതിന് ശേഷം പുതുവത്സരമെത്തുന്ന രാജ്യങ്ങൾ ഇവയാണ്:

പാകിസ്താൻ: അർദ്ധരാത്രി 12.30ന്

ജർമ്മനി, ഫ്രാൻസ്, ഇറ്റലി, ബെൽജിയം, സ്‌പെയിൻ എന്നിവിടങ്ങളിൽ പുലർച്ചെ 4.30ന്

യുകെ, അയർലൻഡ്, ഐസ്‌ലാൻഡ്, പോർച്ചുഗൽ എന്നിവിടങ്ങളിൽ പുലർച്ചെ 5.30ന്

ബ്രസീൽ: രാവിലെ 7.30ന്

അർജന്റീന, ചിലി, പരഗ്വായ്: രാവിലെ 8.30ന്

ന്യൂയോർക്ക്, വാഷിങ്ടൺ: രാവിലെ 10.30ന്

ചിക്കാഗോ: രാവിലെ 11.30ന്

അലാസ്‌ക: ഉച്ചയ്‌ക്ക് 2.30ന്

ഹവായ്: ഉച്ചയ്‌ക്ക് 3.30ന്