കൊച്ചി: ഇടപ്പള്ളി സിഗ്നലില് കൂട്ട വാഹനാപകടം. 20 പേര്ക്ക് പരിക്കേറ്റു. നിയന്ത്രണം വിട്ട കെഎസ്ആര്ടിസി ബസ് അയ്യപ്പഭക്തര് സഞ്ചരിച്ചിരുന്ന മിനിവാനില് ഇടിക്കുകയും തുടര്ന്ന് വാന് ബൈക്കിലിടിച്ചുമാണ് അപകടമുണ്ടായത്.
തിരക്കേറിയ സമയത്താണ് ഇടപ്പള്ളി സിഗ്നലില് അപകടമുണ്ടായത്. എന്നാലിത് വലിയ ദുരന്തമാകാതെ ഒഴിവാകുകയായിരുന്നു. പരിക്കേറ്റവരെ പരിസരത്തെ സ്വകാര്യ ആശുപത്രിയില് പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്നാണ് ആശുപത്രി അധികൃതര് നല്കുന്ന വിവരം.