സിന്ധുമോള് ആര്
ന്യൂഡല്ഹി: രാജ്യം എഴുപത്തിനാലാം സ്വാതന്ത്ര്യദിനാഘോഷത്തിന്റെ നിറവില്. പ്രധാനമന്ത്രി നരേന്ദ്ര മോദി ചെങ്കോട്ടയില് ദേശീയ പതാക ഉയര്ത്തി . കൊവിഡ് പ്രോട്ടോക്കോള് പാലിച്ചാണ് ചടങ്ങ്. വൈറസ് ബാധയുടെ പശ്ചാത്തലത്തില് ചടങ്ങിലേക്ക് കേന്ദ്രമന്ത്രിമാര്, ജഡ്ജിമാര്, ഉന്നതോദ്യോഗസ്ഥര്, മാധ്യമപ്രവര്ത്തകര് തുടങ്ങിയവരടക്കം നാലായിരത്തോളം പേര്ക്ക് മാത്രമായിരുന്നു പ്രവേശനം അനുവദിച്ചിരുന്നുള്ളു. ഡോക്ടര്മാരും, നേഴ്സുമാരും ശുചീകരണ തൊഴിലാളികളും ഉള്പ്പെടുന്ന കൊവിഡ് പോരാളികളെയും അസുഖം ഭേദമായ ചിലരെയും ക്ഷണിച്ചിരുന്നു. കാശ്മീരിന്റെ പ്രത്യേക പദവി റദ്ദാക്കിയതിന്റെ ഒന്നാം വാര്ഷികത്തിന് പിന്നാലെ വരുന്ന സ്വാതന്ത്ര്യ ദിനത്തില് ഭീകരാക്രമണ സാദ്ധ്യത കണക്കിലെടുത്ത് ഡല്ഹിയില് ത്രിതല സുരക്ഷ ഒരുക്കിയിട്ടുണ്ട്.