പ്രധാനമന്ത്രിയ്‌ക്ക് ആശംസയുമായി അനുപം ഖേറിന്റെ അമ്മ ദുലാരി

ന്യൂഡൽഹി : പലപ്പോഴും നടൻ അനുപം ഖേർ അമ്മ ദുലാരി ഖേറിന്റെ പുതിയ വിശേഷങ്ങൾ സോഷ്യൽ മീഡിയയിൽ പങ്ക് വയ്‌ക്കാറുണ്ട് .റിപ്പബ്ലിക് ദിനത്തോടനുബന്ധിച്ച് അനുപം ഖേർ തന്റെ അമ്മയുമായുള്ള സംഭാഷണത്തിന്റെ വീഡിയോ ആരാധകരുമായി പങ്കുവെച്ചു. വീഡിയോയിൽ ദുലാരി പ്രധാനമന്ത്രി നരേന്ദ്ര മോദിയെ പ്രശംസിക്കുന്നതും റിപ്പബ്ലിക് ദിന പരേഡിനെക്കുറിച്ച് സംസാരിക്കുന്നതും കാണാം .

വീഡിയോ ഷെയർ ചെയ്തുകൊണ്ട് അനുപം ഖേർ എഴുതി, ബഹുമാനപ്പെട്ട പ്രധാനമന്ത്രി നരേന്ദ്ര മോദി ജി! ഇന്നത്തെ റിപ്പബ്ലിക് ദിന പരേഡിനെക്കുറിച്ച് ഞാൻ അമ്മയോട് ചോദിച്ചു, അവർ നിങ്ങളെക്കുറിച്ച് പറഞ്ഞത് ഞാൻ പങ്കിടുന്നു. അമ്മയുടെ വാക്കുകൾ ഹൃദയത്തിൽ നിന്നാണ്. എന്റെ അമ്മയുടെയും അത്തരത്തിലുള്ള കോടിക്കണക്കിന് അമ്മമാരുടെയും അനുഗ്രഹം നിങ്ങൾക്കൊപ്പമുണ്ട്. റിപ്പബ്ലിക് ദിനാശംസകൾ #DulariRocks.

വീഡിയോയിൽ അനുപം ഖേർ അമ്മയോട്, ഇന്ന് റിപ്പബ്ലിക് ദിന പരേഡ് കണ്ടോ? ഇതേക്കുറിച്ച് എന്ത് പറയുന്നുവെന്ന് ചോദിക്കുന്നുണ്ട് . ‘ ഞാൻ രണ്ട് മൂന്ന് മണിക്കൂർ പരേഡ് കണ്ടു, മോദി സാഹിബിനെയും കണ്ടു. അവരെ കണ്ടതിൽ വളരെ സന്തോഷമുണ്ട്. അദ്ദേഹത്തെ കാണുമ്പോൾ എനിക്ക് ഇത്ര ആവേശം തോന്നുന്നത് എന്തുകൊണ്ടാണെന്ന് എനിക്ക് മനസ്സിലാകുന്നില്ല, മോദി എന്റെ മകനെപ്പോലെയാണെന്ന് എനിക്ക് തോന്നുന്നു. അദ്ദേഹം വളരെ നല്ല വ്യക്തിയാണ്. ഇനിയും തെരഞ്ഞെടുപ്പിൽ വിജയിക്കും. ഒരു വ്യക്തി തനിക്കും കുടുംബത്തിനും നല്ലതാകുമ്പോൾ , അവൻ ലോകത്തിന് മുഴുവൻ നല്ലവനാകുന്നു. എന്റെ അനുഗ്രഹം എന്നും പ്രധാനമന്ത്രി നരേന്ദ്ര മോദിക്കൊപ്പം ഉണ്ടാകും.- ദുലാരി ഖേർ പറയുന്നു.