തിരുവനന്തപുരം :രാജ്യത്തിന്റെ മിക്ക ഭാഗങ്ങളിലും ഒക്ടോബര് ഒന്നു മുതല് ഡീസലിന് ലിറ്ററിന്മേല് രണ്ടു രൂപ കൂടും. കരിമ്പില് നിന്നും ഭക്ഷ്യധാന്യങ്ങളില് നിന്നും എടുക്കുന്ന 10 ശതമാനം എത്തനോള് കലര്ത്തിയാണ് പെട്രോള് ഇപ്പോള് നല്കിവരുന്നത്. എണ്ണ ഇറക്കുമതിയെ ആശ്രയിക്കുന്നത് അത്രകണ്ട് കുറക്കുകയാണ് ലക്ഷ്യം. കര്ഷകര്ക്കാകട്ടെ, അധിക വരുമാനം. എത്തനോള് ചേര്ത്ത പെട്രോളാണ് രാജ്യത്തിന്റെ ഭൂരിഭാഗം സ്ഥലങ്ങളിലും വില്ക്കുന്നത്. വിതരണത്തിലെ സാങ്കേതിക തടസ്സങ്ങളാണ് മറ്റിടങ്ങളില് പ്രശ്നം.
ഭക്ഷ്യ ഇതര എണ്ണക്കുരുക്കളില് നിന്ന് എടുക്കുന്ന ബയോഡീസല് പരീക്ഷണാടിസ്ഥാനത്തില് ഡീസലില് ചേര്ത്തു വരുന്നു. ഇങ്ങനെ ചെയ്യാത്ത ഇന്ധനത്തിന് രണ്ടു രൂപ അധിക എക്സൈസ് തീരുവ ഒക്ടോബര് ഒന്നു മുതല് ചുമത്തുമെന്ന് ധനമന്ത്രി ബജറ്റ് പ്രസംഗത്തില് പറഞ്ഞു. അതേസമയം കുറഞ്ഞ സമയത്തിനുള്ളില് എല്ലായിടത്തും ഇന്ധനത്തില് എത്തനോളോ ബയോ ഡീസലോ കലര്ത്താന് അടിസ്ഥാന സൗകര്യങ്ങളായിട്ടില്ല.
സബ്സിഡിക്ക് വന് ‘കട്ട്’
റേഷന്, വളം, പെട്രോളിയം ഉല്പന്നങ്ങള് എന്നിവക്ക് സര്ക്കാര് നല്കുന്ന സബ്സിഡി വന്തോതില് വെട്ടിക്കുറച്ചതായി ബജറ്റ് രേഖകള്. നടപ്പു വര്ഷം 39 ശതമാനമാണ് കുറവ്. ബജറ്റില് വകയിരുത്തിയത് 7.07 ലക്ഷം കോടി രൂപ. വെട്ടിക്കുറവിനൂശേഷം ആകെ നല്കിയ സബ്സിഡി 4.33 ലക്ഷം കോടി രൂപ. അടുത്ത വര്ഷം സബ്സിഡിയില് 27 ശതമാനം കൂടി കുറവു വരും. ഇതോടെ 3.17 ലക്ഷം കോടിയാകും. പെട്രോളിയം സബ്സിഡി 38,455 കോടിയില് നിന്ന് 6517 കോടി മാത്രമായി. അടുത്ത വര്ഷം ഇത് 5813 കോടിയായി കുറക്കും.