സിസ്റ്റര്‍ ലിനിയുടെ മക്കള്‍ക്ക്​ ചിത്രവുമായി ഒരതിഥി

പേ​രാമ്പ്ര: ആ​ത്മാ​ര്‍​ഥ സേ​വ​ന​ത്തി​ന്റെ ജ്വ​ലി​ക്കു​ന്ന ര​ക്ത​സാ​ക്ഷി സി​സ്റ്റ​ര്‍ ലി​നി​യു​ടെ മ​ക്ക​ള്‍​ക്ക്, അ​മ്മ​യു​ടെ വ്യ​ത്യ​സ്ത​മാ​യൊ​രു ചി​ത്ര​മാ​ണ് പാ​ല​ക്കാ​ട്ടു​നി​ന്ന് ഒ​രു അ​തി​ഥി​യെ​ത്തി ന​ല്‍​കി​യ​ത്.

വൃ​ത്താ​കൃ​തി​യി​ല്‍ ഉ​റ​പ്പി​ച്ച ആ​ണി​ക​ളി​ല്‍ നൂ​ലു​ക​ള്‍ മെ​ന​ഞ്ഞ് ചി​ത്ര​ര​ച​ന രീ​തി​യാ​ണ് സ്ട്രി​ങ്​ പോ​ട്രേ​യ്റ്റ്. രാ​ഷ്ട്ര​പി​താ​വ് ഗാ​ന്ധി​ജി, ഭ​ര​ണ​ഘ​ട​ന ശി​ല്പി അം​ബേ​ദ്ക​ര്‍, പാ​വ​ങ്ങ​ളു​ടെ അ​മ്മ മ​ദ​ര്‍ തെ​രേ​സ, മു​ന്‍പ്ര​ധാ​ന​മ​ന്ത്രി ഇ​ന്ദി​ര​ഗാ​ന്ധി, ബ​ഹി​രാ​കാ​ശ സ​ഞ്ചാ​രി ക​ല്പ​ന ചൗ​ള, കാ​ര്‍ഗി​ല്‍ യു​ദ്ധ​ത്തി​ല്‍ വീ​ര​ച​ര​മ​മ​ട​ഞ്ഞ ക്യാ​പ്റ്റ​ന്‍ വി​ക്രം ബ​ത്ര, മു​ന്‍ രാ​ഷ്ട്ര​പ​തി എ.​പി.​ജെ. അ​ബ്ദു​ല്‍ ക​ലാം, സം​ഗീ​ത​ഞ്ജ​ന്‍ എ. ​ആ​ര്‍. റ​ഹ്‌​മാ​ന്‍, ഒ​ളി​മ്ബ്യ​ന്‍ മേ​രി​കോം എ​ന്ന​വ​രു​ടെ ചി​ത്ര​ങ്ങ​ള്‍ക്കൊ​പ്പ​മാ​ണ് സി​സ്റ്റ​ര്‍ ലി​നി​യു​ടെ ചി​ത്ര​വും ഒ​രു​ക്കി​യ​ത്.
ചെമ്പ​നോ​ട​യി​ലെ ലി​നി​യു​ടെ വീ​ട്ടി​ലെ​ത്തി ത​ന്റെ സൃ​ഷ്ടി ലി​നി​യു​ടെ മ​ക്ക​ളാ​യ റി​തു​ല്‍, സി​ദ്ധാ​ര്‍​ഥ്, അ​മ്മ രാ​ധ എ​ന്നി​വ​ര്‍ക്ക് കൈ​മാ​റി. പി​താ​വ് അ​നി​ല്‍, സ​ഹോ​ദ​ര​ന്‍ ആ​ദി​ത്യ​കു​മാ​ര്‍ എ​ന്നി​വ​രും അ​നി​ല​ക്ക് ഒ​പ്പ​മു​ണ്ടാ​യി​രു​ന്നു. നെ​ഹ്​​റു കോ​ള​ജ് ബി.​ആ​ര്‍ക്ക് വി​ദ്യാ​ര്‍​ഥി​നി​യാ​ണ് അ​നി​ല. ച​ക്കി​ട്ട​പ്പാ​റ ഗ്രാ​മ​പ​ഞ്ചാ​യ​ത്തം​ഗം രാ​ജേ​ഷ് ത​റ​വ​ട്ട​ത്ത്, പൊ​തു പ്ര​വ​ര്‍ത്ത​ക​ന്‍ സു​ഭാ​ഷ് ഹി​ന്ദോ​ളം എ​ന്നി​വ​രും ച​ട​ങ്ങി​ല്‍ പ​ങ്കെ​ടു​ത്തു.