ഡല്ഹി: യുക്രൈനില് നിന്നുള്ള ഇന്ത്യക്കാരുമായി മൂന്നാമത്തെ വിമാനം ഡല്ഹിയിലെത്തി. ബുഡാപെസ്റ്റില് നിന്നുള്ള എയര് ഇന്ത്യ വിമാനമാണെത്തിയത്. യുക്രൈനില് നിന്നുള്ള 25 മലയാളികളടക്കം 240 പേര് വിമാനത്തിലുണ്ട്. രക്ഷാദൌത്യത്തിലെ രണ്ടാമത്തെ വിമാനം റൊമാനിയയില് നിന്ന് ഇന്ന് പുലര്ച്ചെയോടെ ഡല്ഹിയിലെത്തിയിരുന്നു. 29 മലയാളികള് ഉള്പ്പെടുന്ന സംഘമാണ് വിമാനത്തിലുണ്ടായിരുന്നത്. വിമാനത്താവളത്തില് വ്യോമയാന മന്ത്രി ജ്യോതിരാദിത്യ സിന്ധ്യ, വിദേശകാര്യ സഹമന്ത്രി വി മുരളീധരന് എന്നിവര് ചേര്ന്നാണ് ഇവരെ സ്വീകരിച്ചത്.
ഇതില് മലയാളികളെ കൊച്ചിയിലേക്കും തിരുവനന്തപുരത്തേക്കും ആണ് അയക്കുന്നത്. 16 പേര് വിമനത്താവളത്തില് നിന്ന് നേരെ കൊച്ചിയിലേക്ക് പോയി. തിരിവനന്തപുരത്തേക്ക് ഉള്ളവര് വൈകുന്നേരമാവും ഡല്ഹിയില് നിന്ന് യാത്ര തിരിക്കുക. തിരികെ എത്തിയ മലയാളികളില് ഒരാള് ഡല്ഹിയിലാണ് താമസം. മലയാളികള്ക്കായി സംസ്ഥാന സര്ക്കാര് നാട്ടിലേക്ക് സൗജന്യയാത്ര ഏര്പ്പടുത്തിയിട്ടുണ്ട്.