എസ്എസ്എല്സി, പ്ലസ്ടു പരീക്ഷകള്ക്ക് 70 ശതമാനം ചോദ്യങ്ങളും ഫോക്കസ് ഏരിയയില് നിന്ന്
തിരുവനന്തപുരം:എസ്എസ്എല്സി, പ്ലസ്ടു പരീക്ഷകള്ക്ക് 70 ശതമാനം ചോദ്യങ്ങളും ഫോക്കസ് ഏരിയയില് നിന്ന് തന്നെയെന്ന് മന്ത്രി വി ശിവന്കുട്ടി. ബാക്കി 30 ശതമാനം ചോദ്യങ്ങള് നോണ് ഫോക്കസ് ഏരിയയില് നിന്നായിരിക്കുമെന്നും എല്ലാ കുട്ടികള്ക്കും അവരുടെ മികവിന് അനുസരിച്ച് സ്കോര് നേടാനാണിതെന്നും മന്ത്രി നിയമസഭയില് രേഖാമൂലം മറുപടി പറഞ്ഞു.
കഴിഞ്ഞ തവണ ഫോക്കസ് ഏരിയയില് നിന്ന് മാത്രം ചോദ്യങ്ങള് ചോദിച്ചത് അസാധാരണ സാഹചര്യം പരിഗണിച്ചാണ്. എന്നാല് ഇത്തവണ സാഹചര്യം വ്യത്യസ്തമാണ്. കഴിഞ്ഞ വര്ഷത്തെ അപേക്ഷിച്ച് ഫോക്കസ് ഏരിയ കുറഞ്ഞിട്ടില്ല. ഫോക്കസ്, നോണ് ഫോക്കസ് ഏരിയകളില് 50 ശതമാനം അധിക ചോദ്യങ്ങള് ഉള്പ്പെടുത്തിയിട്ടുണ്ടെന്നും മന്ത്രി നിയമസഭയെ രേഖാ മൂലം അറിയിച്ചു.
തിരുവനന്തപുരം: 1 മുതല് 9 വരെയുള്ള ക്ലാസ്സുകളുടെ പരീക്ഷ മാര്ച്ച് 23 മുതല് ഏപ്രില് 2 വരെയുള്ള തീയതികളിലായി നടത്തുമെന്ന് പൊതുവിദ്യാഭ്യാസ മന്ത്രി വി.ശിവന്കുട്ടി. പ്രായോഗികമായ നിരവധി വസ്തുതകള് കണക്കിലെടുത്തുകൊണ്ടാണ് പരീക്ഷാതീയതി നിശ്ചയിച്ചിരിക്കുന്നത്. ഉന്നത വിദ്യാഭ്യാസ പ്രവേശന പ്രക്രിയയില്, കേരളത്തിലെകുട്ടികള് പുറത്താകാതിരിക്കുക എന്ന ലക്ഷ്യത്തോടെ സമയബന്ധിതമായി പൊതുപരീക്ഷകള് നടത്തും ഏപ്രില് മാസത്തില് എസ്.എസ്.എല്.സി, പ്ലസ് ടു പൊതുപരീക്ഷകള് നടക്കുകയാണ്.
കൂടാതെ ഏപ്രില്, മെയ് മാസത്തില് നടത്താന് നിശ്ചയിച്ചിരിക്കുന്ന അധ്യാപക പരിശീലനം, എസ്.എസ്.എല്.സി, ഹയര്സെക്കന്ററി/ വി.എച്ച്.എസ്.ഇ മൂല്യ നിര്ണ്ണയം തുടങ്ങിയ കാര്യങ്ങള് പരിഗണിച്ചാണ് 1 മുതല് 9 വരെയുള്ള ക്ലാസ്സുകളുടെ പരീക്ഷ ഏപ്രില് 2-ന്പൂര്ത്തീകരിക്കാന് തീരുമാനിച്ചിട്ടുള്ളത്. പാഠഭാഗങ്ങള് പൂര്ത്തിയാക്കി എസ്.എസ്.എല്.സി, പ്ലസ് വണ്, പ്ലസ് ടു പരീക്ഷകള് സുഗമമായി നടത്തുന്നതിനുള്ള നടപടികള് വിദ്യാഭ്യാസവകുപ്പ് സ്വീകരിച്ചിട്ടുണ്ട്. ഉന്നത വിദ്യാഭ്യാസത്തിനുള്ള പ്രവേശന പ്രക്രിയയില് നിന്ന് കേരളത്തിലെ കുട്ടികള് പുറത്താകാതിരിക്കുക എന്ന ലക്ഷ്യത്തോടെ സമയബന്ധിതമായി പൊതുപരീക്ഷകള് നടത്താന് തീരുമാനിച്ചിട്ടുണ്ടെന്ന് മന്ത്രി അറിയിച്ചു.