![“Manju”](https://santhigirinews.org/wp-content/uploads/2020/04/YOUTUBE.jpg")
പൂര്‍ണമായും കടലാസ് രഹിതമായി നിയമസഭ ചേര്‍ന്നതോടെ ഇ-വിധാന്‍ സഭ പദ്ധതി നടപ്പിലാക്കുന്ന രാജ്യത്തെ ആദ്യ സംസ്ഥാനമായി നാഗാലാന്‍ഡ് മാറി. കഴിഞ്ഞ ദിവസം സഭയിലെ 60 അംഗങ്ങളുടേയും മേശകളില്‍ കടലാസുകള്‍ക്ക് പകരമായി ടാബ്‌ലെറ്റോ ഇ-ബുക്കോയാണ് നല്‍കിയത്.
ഹിമാചല്‍ പ്രദേശില്‍ ഇ-വിധാന്‍ സഭ പദ്ധതിക്ക് സമാനമായ ഒരു സംവിധാനം പ്രവര്‍ത്തിക്കുന്നുണ്ട്. പല സംസ്ഥാനങ്ങളിലെയും സഭകള്‍ സമാനമായി പദ്ധതി പിന്തുടരാന്‍ ആലോചിക്കുന്നുണ്ടെന്ന് നാഗാലാന്‍ഡ് സ്‌പീക്കര്‍ ശരിങ്കെയ്‌ന്‍ ലോങ്‌കുമാര്‍ പറഞ്ഞു. എല്ലാ നിയമസഭകളും പദ്ധതി നടപ്പിലാക്കിയാല്‍, പാര്‍ലമെന്‍റും സംസ്ഥാന നിയമസഭകളും ഏകീകരിച്ച്‌ പ്രവര്‍ത്തിക്കാനാകുമെന്നും സ്‌പീക്കര്‍ പറയുന്നു.
