അമൃത്സര്: എംഎല്എമാര് ജയിച്ചത് രണ്ട് തവണയാണെങ്കിലും പത്ത് തവണയാണെങ്കിലും, പഞ്ചാബില് ഇനി മുതല് ഇവര്ക്ക് ഒരു പെന്ഷന് മാത്രമേ അനുവദിക്കുകയുള്ളുവെന്ന് മുഖ്യമന്ത്രി ഭഗവന്ത് മന്. എംഎല്എമാരുടെ ഫാമിലി അലവന്സ് കുറയ്ക്കുമെന്നും വീഡിയോ സന്ദേശത്തിലൂടെ അദ്ദേഹം വ്യക്തമാക്കി.
മൂന്നും നാലും അഞ്ചും തവണ മത്സരിച്ച് ജയിച്ച ശേഷം പിന്നീടു വന്ന തെരഞ്ഞെടുപ്പില് തോല്ക്കുകയും തുടര്ന്നുള്ള തെരഞ്ഞെടുപ്പില് ടിക്കറ്റ് ലഭിക്കാതിരിക്കുകയും ചെയ്ത പല മുന് നിയമസഭാംഗങ്ങള്ക്കും ലക്ഷങ്ങളാണ് മാസം പെന്ഷന് ലഭിക്കുന്നതെന്ന് ഭഗവന്ത് സിംഗ് വ്യക്തമാക്കി.
ചില മുന് എംഎല്എമാര്ക്ക് മാസം 3.50 ലക്ഷം രൂപയും മറ്റു ചിലര്ക്ക് 4.50 ലക്ഷം രൂപയും വേറെ ചിലര്ക്ക് 5.25 ലക്ഷം രൂപയും പെന്ഷന് ലഭിക്കുന്നുണ്ട്. ഇത് സര്ക്കാര് ഖജനാവിന് ബാധ്യതയാണെന്ന് അദ്ദേഹം ചൂണ്ടിക്കാട്ടി.