ചെന്നൈ: രാജീവ്ഗാന്ധി വധക്കേസില് ശിക്ഷിക്കപ്പെട്ട് ജയിലില് കഴിയുകയായിരുന്ന പേരറിവാളന് മോചനം.
ഭരണഘടനയുടെ 142-ാം വകുപ്പ് പ്രകാരം പ്രത്യേക അധികാരം ഉപയോഗിച്ചാണ് പേരറിവാളനെ വിട്ടയക്കാന് സുപ്രീം കോടതി തീരുമാനിച്ചത്. 31 വര്ഷത്തെ ജയില്വാസത്തിന് ശേഷമാണ് വിട്ടയക്കാനുള്ള തീരുമാനം.
പേരറിവാളനെ വിട്ടയക്കണമെന്ന ശുപാര്ശ 2018-ല് തമിഴ്നാട് സര്ക്കാര് ഗവര്ണര്ക്ക് കൈമാറിയിരുന്നു. എന്നാല് ഈ ശുപാര്ശ നീട്ടിക്കൊണ്ട് പോയ ഗവര്ണര് പിന്നീടിത് രാഷ്ട്രപതിക്ക് കൈമാറുകയും ചെയ്തിരുന്നു. ഇത് ചോദ്യം ചെയ്തുകൊണ്ട് പേരറിവാളന് സുപ്രീം കോടതിയെ സമീപിച്ചു. ഇതിലാണ് വിധിയുണ്ടായിരിക്കുന്നത്.