കൊല്ലം: ശക്തികുളങ്ങരയില് ഫൈബര് വള്ളം മറിഞ്ഞ് രണ്ട് മത്സ്യത്തൊഴിലാളികളെ കാണാതായി. ശക്തികുളങ്ങര സ്വദേശികളായ ഇസ്തേവ്വ്, ആന്റോ എന്നിവരെയാണ് കാണാതായത്. ഇന്ന് പുലര്ച്ചെ മത്സ്യബന്ധനത്തിന് പോയ ഫൈബര് വള്ളമാണ് ശക്തമായ തിരയില്പ്പെട്ട് മറിഞ്ഞത്.
മത്സ്യത്തൊഴിലാളി ജാഗ്രതാ നിര്ദേശം കേരള–ലക്ഷദ്വീപ്–കര്ണാടക തീരങ്ങളില് 10-07-2022 മുതല് 14-07-2022 വരെ മത്സ്യബന്ധനത്തിന് പോകാന് പാടുള്ളതല്ല. കേരള–ലക്ഷദ്വീപ്–കര്ണാടക തീരങ്ങളില് 10-07-2022 മുതല് 14-07-2022 വരെ മണിക്കൂറില് 45 മുതല് 55 കിലോമീറ്റര് വേഗതയിലും ചില അവസരങ്ങളില് മണിക്കൂറില് 65 കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
1. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം. 2. മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. 3. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കുക.