ദില്ലി: പ്രതിപക്ഷ ഉപരാഷ്ട്രപതി സ്ഥാനാര്ത്ഥി മാര്ഗരറ്റ് ആല്വ നാമനിര്ദ്ദേശ പത്രിക സമര്പ്പിച്ചു. കോണ്ഗ്രസ് മുന് ദേശീയ അധ്യക്ഷന് രാഹുല് ഗാന്ധി, സിപിഎം ജനറല് സെക്രട്ടറി സീതാറാം യെച്ചൂരി, എന്സിപി അധ്യക്ഷന് ശരത് പവാര് അടക്കമുള്ളവരുടെ സാന്നിധ്യത്തിലാണ് പത്രിക സമര്പ്പിച്ചത്.
എന്ഡിഎയുടെ ഉപരാഷ്ട്രപതി സ്ഥാനാര്ത്ഥി ജഗ്ദീപ് ധന്കര് ഇന്നലെ നാമനിര്ദേശ പത്രിക നല്കിയിരുന്നു. പ്രധാനമന്ത്രി നരേന്ദ്രമോദി, കേന്ദ്രമന്ത്രിമാരായ അമിത് ഷാ, രാജ്നാഥ് സിംഗ്, ജെപി നദ്ദ തുടങ്ങിയവരാണ് ധന്കറുടെ പേര് നിര്ദേശിച്ചത്. ബിജു ജനതാദള്, അണ്ണാഡിഎംകെ പാര്ട്ടികളുടെ പ്രതിനിധികളും ജഗ്ദീപ് ധന്കറിനൊപ്പം പങ്കെടുത്തു. ബിജു ജനതാദള് ജഗ്ദീപ് ധന്കറെ പിന്തുണക്കുമെന്ന് ഇന്നലെ പ്രഖ്യാപിച്ചിരുന്നു.