InternationalLatest
ചെറുവിമാനം കടലില് തകര്ന്നുവീണു
ജിദ്ദ: സൗദി ഏവിയേഷന് ക്ലബ്ബിന്റെ ചെറുവിമാനം കടലില് തകര്ന്നുവീണു. ദക്ഷിണ പ്രവിശ്യയായ അസീറിലെ ഹരീദയിലാണ് ഏവിയേഷന് ക്ലബ്ബിന്റെ എച്ച്.സെഡ്-എസ്.എ.എല് എന്ന ചെറുവിമാനം തകര്ന്നുവീണത്. വെള്ളിയാഴ്ചയായിരുന്നു സംഭവം. ഹരീദയിലെ ഏവിയേഷന് ക്ലബ്ബ് റണ്വേയില് നിന്ന് പറന്നുയര്ന്ന വിമാനം തൊട്ടുചേര്ന്നുള്ള കടലില് 30 മീറ്ററോളം അകലെ വീഴുകയായിരുന്നു. പൈലറ്റിനെയും കൂടെയുള്ളവരെയും അതിര്ത്തിരക്ഷാസേന രക്ഷപ്പെടുത്തി അബഹയിലെ അസീര് സെന്ട്രല് ആശുപത്രിയിലേക്ക് മാറ്റി.