പുല്ലമ്പാറ: രാജ്യത്തെ ആദ്യഡിജിറ്റൽ സാക്ഷരത പഞ്ചായത്തായി പുല്ലമ്പാ.റ ലോകം വിരൽ തുമ്പിലുള്ള കാലത്ത് സാക്ഷരതയിൽ ഡിജിറ്റൽ വിപ്ലവം തീർക്കുകയാണ് പുല്ലമ്പാറ പഞ്ചായത്ത്. പഞ്ചായത്തിലെല്ലാവർക്കും ഡിജിറ്റൽ സാക്ഷരതനൽകുകയെന്ന ലക്ഷ്യത്തോടെ പ്രസിഡന്റ് പി.വി. രാജേഷിന്റെ നേതൃത്വത്തിലുള്ള ഭരണസമിതിയാവിഷ്കരിച്ച പദ്ധതിയിലൂടെയാണ് ഈ നേട്ടം കൈവരിച്ചത്. നാളെ വൈകിട്ട് നാലിന് (21/09/2022) മുഖ്യമന്ത്രി പിണറായി വിജയൻ പുല്ലമ്പാറ പഞ്ചായത്ത് സ്റ്റേഡിയത്തിൽവച്ച് പദ്ധതിയുടെ പൂർത്തീകരണപ്രഖ്യാപനംനടത്തും. ഇതോടെ രാജ്യത്തെ സമ്പൂർണഡിജിറ്റൽ സാക്ഷരത നേടുന്ന ആദ്യ പഞ്ചായത്തെന്നനേട്ടം പുല്ലമ്പാറക്ക് സ്വന്തമാകും.
പുല്ലമ്പാറ പഞ്ചായത്തിലെ 14 മുതൽ 65 വയസു വരെയുള്ളവർക്കായി നടത്തുന്ന സമ്പൂർണ ഡിജിറ്റൽ സാക്ഷരത പരിപാടിയായ ഡി.ജി പുല്ലമ്പാറയുടെ പരിശീലന പരിപാടി. 14 മുതൽ 65 വയസ്സുവരെയുള്ളവരെയാണ് പദ്ധതിയിലുൾപ്പെടുത്തിയത്. 45 വയസ്സിനുമുകളിലുള്ളവരായിരുന്നു പഠിതാക്കളിൽ കൂടുതൽ. കാഴ്ചക്കുറവുള്ളവരെയും കിടപ്പ് രോഗികളെയും മറ്റ് ഗുരുതരാരോഗ്യ പ്രശ്നങ്ങളുള്ളവരെയും പദ്ധതിയിൽനിന്നൊഴിവാക്കിയിരുന്നു. 15 വാർഡുകളിലായി 3300 പേർക്ക് പരിശീലനം നൽകി. ആൻഡ്രോയിഡ് മൊബൈൽ ഫോൺ ഉപയോഗിച്ചാണ് ഡിജിറ്റൽ സാക്ഷരത പരിശീലിപ്പിച്ചത്. സ്മാർട്ട് ഫോൺ ഉപയോഗം, വാട്സ്ആപ് വിഡിയോകാൾ, ഓഡിയോകാൾ, ഫോട്ടോയും വിഡിയോയും ഡൗൺലോഡ് ചെയ്യൽ, യൂട്യൂബ്, ഫൈസ്ബുക്ക് എന്നിവ പരിചയപ്പെടുത്തൽ, ബാങ്ക് അക്കൗണ്ട് ഡീറ്റെയിൽസ് മനസ്സിലാക്കൽ തുടങ്ങിയവയാണ് പാഠ്യവിഷയമായി ഉൾപ്പെടുത്തിയിരുന്നത്.
വൈകിട്ട് 4 ന് നടക്കുന്ന ചടങ്ങിൽ തദ്ദേശ സ്വയംഭരണ – എക്സൈസ് വകുപ്പുമന്ത്രി എം.ബി. രാജേഷ്, അദ്ധ്യക്ഷം വഹിക്കുന്നതും അഡ്വ.ഡി.കെ മുരളി എം.എല്.എ. സ്വാഗതം ആശംസിക്കുന്നതുമാണ്. കൂടാതെ എം.പി. മാരായ അടൂർ പ്രകാശ് , എ.എ. റഹിം ജോൺ ബ്രിട്ടാസ് , എന്നിവരും സ്ഥാപന മേധാവികൾ, ത്രിതല പഞ്ചായത്ത് അദ്ധ്യക്ഷൻ മാർ ,മെമ്പർമാർ ഉദ്യോഗസ്ഥർ, രാഷ്ട്രീയ പ്രതിനിധികൾ തുടങ്ങിയവരും പങ്കെടുക്കുന്നു.