മസീറ ദ്വീപിലേക്ക് വിമാന സര്വ്വീസ്
മസ്കത്ത്: പ്രകൃതി മനോഹര പ്രദേശങ്ങളിലൊന്നായ മസീറ ദ്വീപിലേക്ക് വിമാന സര്വിസിന് സിവില് ഏവിയേഷന് അതോറിറ്റി അനുമതി നല്കിയത് ടൂറിസം രംഗത്ത് വന്കുതിപ്പിന് വഴിവെക്കും.
മസ്കത്ത് വിമാനത്താവളത്തില്നിന്ന് ആഴ്ചയില് രണ്ട് വാണിജ്യ വിമാന സര്വിസുകള് ആരംഭിക്കാനാണ് സലാം എയറിന് അനുമതി നല്കിയിരിക്കുന്നത്. നവംബര് മൂന്നു മുതല് സര്വിസ് ആരംഭിക്കും. തലസ്ഥാനമായ മസ്കത്തില്നിന്ന് ഏകദേശം 510 കിലോമീറ്റര് അകലെയാണ് മസീറ ദ്വീപ്. ദ്വീപില് എത്തിച്ചേരാന് റോഡ് മാര്ഗവും ഫെറി സംവിധാനവുമാണ് നിലവില് ഉപയോഗിക്കുന്നത്.
ഏകദേശം ആറ് മണിക്കൂറോളം യാത്രക്കായി ചെലവഴിക്കണം. ഒമാനിലെ സുല്ത്താനേറ്റിലെ ഏറ്റവും വലിയ ദ്വീപാണ് മസീറ. ഡൈവിങ്, ക്യാമ്ബിങ്, സ്നോര്ക്കെലിങ് എന്നിവക്കുള്ള ജനപ്രിയ സ്ഥലമാണിത്. വെളുത്ത മണല് ബീച്ചുകളും മനോഹരമായ കടല്കാഴ്ചകളുമുള്ള ഈ ദ്വീപ് സ്വദേശികളുടെയും വിദേശികളുടെയും പ്രിയപ്പെട്ട അവധിക്കാല സ്ഥലങ്ങളിലൊന്നാണ്