കോഴിക്കോട്: ബൈക്കില് കണ്ണൂരില്നിന്ന് കോഴിക്കോട്ടെത്തിയ തലശ്ശേരി സ്വദേശി പോലീസിനെ കണ്ടപ്പോള് ഓടാന് ശ്രമം., പിടികൂടി ചോദ്യം ചെയ്തപ്പോള് കള്ളന്. ചാലില് മട്ടാമ്പ്രംപള്ളി മക്കീന്റെ പുരയില് എം.പി.മുസ്താഖാണ് (21) പിടിയിലായത്.
മോഷ്ടിച്ച ബൈക്കാണ് ഇയാളുടേതെന്നും ശനിയാഴ്ച പുലര്ച്ച 6.30 ഓടെയാണ് സംഭവമെന്നും പൊലീസ് അറിയിച്ചു. നഗരം വില്ലേജ് ഓഫിസിന് സമീപം മുസ്താഖ് ബൈക്കിലിരിക്കവേ പൊലീസ് ജീപ്പ് കണ്ട് ഓടിരക്ഷപ്പെടാന് ശ്രമിക്കുകയായിരുന്നു. പിടികൂടി ചോദ്യം ചെയ്തപ്പോള്, മറ്റൊരാളുടെ ബൈക്കാണെന്നും രേഖകള് കൈവശമില്ലെന്നും പറഞ്ഞു. കണ്ണൂര് ടൗണ് പൊലീസുമായി ബന്ധപ്പെട്ടതോടെ, മോഷ്ടിച്ച ബൈക്കാണെന്ന് വ്യക്തമായി.
കഴിഞ്ഞ 29ന് കണ്ണൂര് റെയില്വേ സ്റ്റേഷനില് നിര്ത്തിയിട്ടയാള് 31ന് ബൈക്കെടുക്കാനെത്തിയപ്പോള് കാണാതെ കണ്ണൂര് ടൗണ് സ്റ്റേഷനില് പരാതി നല്കുകയായിരുന്നു.