ശാന്തിഗിരി സാംസ്കാരിക ദിനം : ധ്വജാരോഹണം നടന്നു

പോത്തൻകോട് : രാജ്യത്തിന്റെ വിവിധ ഭാഗങ്ങളിൽ ഇന്ന് സാംസ്കാരികദിനം ആചരിക്കുന്നു. 1983 നവംബർ 5 ന് ആശ്രമത്തിന്റെ ആശയപ്രചരണ പരിപാടികൾക്ക് ഔദ്യോഗികമായി തുടക്കം കുറിച്ചതിന്റെ വാർഷികമാണ് വിവിധ പരിപാടികളോടെ നടക്കുന്നത്. ഇന്ന് രാവിലെ 6 മണിക്ക് പോത്തൻകോട് ശാന്തിഗിരി ആശ്രമത്തിൽ ആശ്രമം പ്രസിഡന്റ് സ്വാമി ചൈതന്യ ജ്ഞാനതപസ്വി ധ്വജം ഉയര്‍ത്തി.

കൊട്ടാരക്കര, കോന്നി, ഹരിപ്പാട്, ചന്ദിരൂർ, പാമ്പാടി, കല്ലാർ, കുമളി രാമക്കൽമേട്, പാലാരിവട്ടം, തങ്ങാലൂർ, ഓലശ്ശേരി, തെയ്യാല, കക്കോടി, വടകര, സുൽത്താൻ ബത്തേരി വള്ള്യായി, കന്യാകുമാരി, ആണ്ടാർ കൊട്ടാരം, ചെയ്യൂർ, സർജ്ജാപ്പൂർ, സാകേത് ബ്രാഞ്ചുകളിൽ സന്ന്യാസി സന്ന്യാസിനിമാർ ധ്വജാരോഹണം നടത്തി.

രാവിലെ 10 മണിമുതല്‍ ശാന്തിഗിരി ഗുരുകാന്തിയിലെ കുട്ടികളുടെ വിവിധ കലാപരിപാടികള്‍ സംഘടിപ്പിച്ചിട്ടുണ്ട്. ഉച്ചയ്ക്ക് 11.30ന് ഗുരുദർശനവും തട്ടസമർപ്പണവും നടക്കും.

വൈകിട്ട് 7 ന് ഓണ്‍ലൈനില്‍ നടക്കുന്ന സാംസ്കാരിക സമ്മേളനം സംസ്ഥാന സാംസ്കാരിക വകുപ്പ് മന്ത്രി വി.എന്‍.വാസവൻ ഉദ്ഘാടനം ചെയ്യും. ആശ്രമം പ്രസിഡന്റ് സ്വാമി ചൈതന്യ ജ്ഞാനതപസ്വി അദ്ധ്യക്ഷത വഹിക്കും. ആര്‍ട്ട്സ് & കള്‍ച്ചര്‍ ഇൻചാര്‍ജ് സ്വാമി ജനന്മ ജ്ഞാനതപസ്വി സ്വാഗതം ആശംസിക്കും. ശാന്തിഗിരി ആശ്രമത്തിന്റെ വിവിധ സാംസ്കാരിക ഡിവിഷൻ ചുമതലക്കാരായ സന്ന്യാസി സന്ന്യാസിനിമാര്‍ പങ്കെടുക്കും.