ദിവംഗതയായി

ബംഗലുരു : ശാന്തിഗിരി ആശ്രമത്തിലെ ആദ്യകാല ഗൃഹസ്ഥാശ്രമ കുടുംബാംഗമായിരുന്ന കലയമ്മ (കലാ നാരായണൻ – 70 വയസ്സ്) ബംഗലുരുവിൽ വച്ച് ജനുവരി 10 രാത്രി 7 മണിക്ക് ദിവംഗതയായി. ഭർത്താവ്: പി.സി.നാരായണൻ നായർ (ഇപ്പോൾ ശാന്തിഗിരി ആശ്രമത്തിലെ ഗുരുധർമ്മപ്രകാശസഭ സീനിയർ മെമ്പർ സ്വാമി ധർമാനന്ദ ജ്ഞാനതപസ്വി). മക്കൾ : രാജേഷ്.എൻ. (സീനിയർ മാനേജർ, ക്യാഷ് & ബാങ്കിംഗ്, സ്നേഹ ഓയിൽ മിൽസ്, ചന്ദിരൂർ), സാജൻ എൻ., ഡോ.വിമൽ.എൻ (സീനിയർ മെഡിക്കൽ ഓഫീസർ, ശാന്തിഗിരി റിസർച്ച് ഫൗണ്ടേഷൻ). മരുമക്കൾ: റീനാറാണി, അമ്പിളി, നിശ്ചിത. പ്രശസ്ത മലയാള ചലച്ചിത്രതാരമായിരുന്ന എസ്.പി.പിള്ളയുടെ മകളാണ്. കോട്ടയം ഏറ്റുമാനൂർ സ്വദേശിനിയാണ്. 1982-ൽ ആശ്രമത്തിൽ ആദ്യമായി എത്തി. അതേ വർഷം തന്നെ ആശ്രമത്തിൽ കുടുംബസമേതം താമസമാരംഭിച്ചു. ശാന്തിഗിരി മാതൃമണ്ഡലം ഉൾപ്പെടെയുള്ള പ്രവർത്തനരംഗങ്ങളിൽ സജീവമായിരുന്നു. കുറച്ചു നാളുകളായി അസുഖബാധിതയായി ഇളയ മകൻ വിമലിനോടൊപ്പം ആയിരുന്നു താമസം. സംസ്കാരം നാളെ (11 ജനുവരി 2023)വൈകുന്നേരം ബാംഗ്ലൂരിൽ നടക്കും.