സഞ്ചരിക്കുന്ന ശാസ്ത്ര പ്രദർശനം സംഘടിപ്പിക്കും

കേരളശാസ്ത്ര സാങ്കേതിക പരിസ്ഥിതികൗൺസിൽ (KSCSTE) ദേശീയ ശാസ്ത്ര ദിനാഘോഷത്തിന്റെ ഭാഗമായി Science-on-Wheels എന്ന പേരിലിൽ സഞ്ചരിക്കുന്ന ശാസ്ത്ര പ്രദർശനം സംഘടിപ്പിക്കും. സംസ്ഥാനത്തെ സ്‌കൂൾ വിദ്യാർത്ഥികളിൽ ശാസ്ത്രാഭിരിചി വളർത്തുക എന്ന ഉദ്ദേശ്യത്തോടെ പൊതു വിദ്യാഭ്യാസ വകുപ്പിന്റെ സഹകരണത്തോടെയാണ് പരിപാടി സംഘടിപ്പിക്കുന്നത്. എല്ലാ ജില്ലകളിലും തിരഞ്ഞെടുക്കപ്പെട്ട സ്‌കൂളുകളിൽ പ്രദർശനമെത്തും. രണ്ടു ദിവസത്തെ പ്രദർശനത്തിന്റെ ആദ്യ ദിവസം തിരഞ്ഞെടുത്ത വിദ്യാർത്ഥികൾക്ക് ശാസ്ത്ര ആശയങ്ങളിലും പരീക്ഷണങ്ങളിലും പരിശീലനം നൽകും. രണ്ടാം ദിവസം പരിശീലനം ലഭിച്ച വിദ്യാർത്ഥികൾ മറ്റ് വിദ്യാർത്ഥികൾക്ക് ശാസ്ത്ര ആശയങ്ങൾ വിശദീകരിക്കും. ജനുവരി 23 ന് കാസർഗോഡ് ജില്ലയിലെ ജി.എച്ച്.എസ്.എസ് ബാലന്തോടിൽ ആരംഭിച്ച് മാർച്ച് 2 തിരുവനന്തപുരം തോന്നയ്ക്കൽ ജി.എച്ച്.എസ്.എസിൽ പ്രദർശനം സമാപിക്കും.