Thiruvananthapuram
സ്വര്ണക്കടത്ത് കേസ് : സ്വപ്ന സുരേഷ് അടക്കം 12 പ്രതികളുടെ റിമാന്ഡ് കാലാവധി നീട്ടി
ശ്രീജ.എസ്
തിരുവനന്തപുരം : സ്വര്ണക്കടത്ത് കേസുമായി ബന്ധപ്പെട്ട സ്വപ്ന സുരേഷ് അടക്കം 12 പ്രതികളുടെ റിമാന്ഡ് കാലാവധി വീണ്ടും നീട്ടി. കൊച്ചി എന്ഐഎ കോടതി ഒക്ടോബര് എട്ട് വരെയാണ് കാലാവധി നീട്ടിയത്.
ജാമ്യം നല്കണമെന്ന് സ്വപ്ന സുരേഷ് വാദത്തിനിടെ ആവശ്യപ്പെട്ടെങ്കിലും കോടതി അത് നിരസിച്ചു. സ്വപ്നയ്ക്ക് ബന്ധുക്കളെ കാണാന് അനുമതി നല്കാന് ജയിലധികൃതരോട് നിര്ദേശിച്ചു. റിമാന്ഡ് കാലാവധി അവസാനിച്ചതിനെത്തുടര്ന്ന് വീഡിയോ കോണ്ഫറന്സിംഗ് വഴിയാണ് സ്വപ്ന സുരേഷ് ഉള്പ്പടെയുള്ള 12 പ്രതികളെ ഹാജരാക്കിയത്.