ചെന്നൈ: മക്കള് നീതി മയ്യം നേതാവും നടനുമായ കമല് ഹാസന് വരുന്ന തമിഴ്നാട് നിയമസഭ തെരഞ്ഞെടുപ്പില് കോയമ്പത്തൂര് സൗത്തില് മത്സരിക്കും. ഇത് സംബന്ധിച്ച് പാര്ട്ടിയുടെ ഔദ്യോഗിക അറിയിപ്പുണ്ടായത് വെള്ളിയാഴ്ചയാണ്.
കമല് ഹാസന് ഏത് സീറ്റില് നിന്ന് മത്സരിക്കുമെന്നത് സംബന്ധിച്ച് അനിശ്ചിതത്വം നില നിന്നിരുന്നു. ചെന്നൈയില് നിന്നുള്ള ഏതെങ്കിലും സീറ്റില് നിന്ന് മത്സരിക്കുമെന്നായിരുന്നു നേരത്തെ നിലനിന്നിരുന്ന അഭ്യൂഹം. കോയമ്പത്തൂരില് നിന്ന് മത്സരിക്കാനുള്ള സാധ്യതയും പ്രവചിക്കപ്പെട്ടിരുന്നു. ഇതു സംബന്ധിച്ച് നിലനിന്നിരുന്ന മുഴുവന് അഭ്യൂഹങ്ങളും അവസാനിപ്പിച്ചുക്കൊണ്ടാണ് പാര്ട്ടി ഇപ്പോള് പ്രഖ്യാപനം നടത്തിയിരിക്കുന്നത്.
നിയമസഭ തെരഞ്ഞെടുപ്പില് 234 സീറ്റുകളില് മക്കള് നീതി മയ്യം 154 സീറ്റുകളില് മത്സരിക്കുമെന്ന് കമല് ഹാസന് നേരത്തെ പ്രഖ്യാപിച്ചിട്ടുണ്ട്. ശേഷിക്കുന്ന സീറ്റുകളില് സഖ്യകക്ഷികള് മത്സരിക്കും. സഖ്യത്തിന്റെ മുഖ്യമന്ത്രി സ്ഥാനാര്ഥി കമല് ഹാസന് ആണെന്ന് ആള് ഇന്ഡ്യ സമത്വ മക്കള് കക്ഷി നേതാവ് ശരത് കുമാര് നേരത്തെ വ്യക്തമാക്കിയിട്ടുണ്ട്. സഖ്യത്തിന്റെ ഭാഗമായി 40 സീറ്റുകളില് ശരത് കുമാറിന്റെ പാര്ട്ടി മത്സരിക്കുന്നുണ്ട്.