കെഎസ്‌ആര്‍ടിസി വനിത കണ്ടക്ടര്‍മാര്‍ക്ക് ഇനി ചുരിദാര്‍ നിര്‍ബന്ധമില്ല

തിരുവനന്തപുരം: കെഎസ്‌ആർടിസി വനിത കണ്ടക്ടർമാരുടെ യൂണിഫോമില്‍ പുതിയ മാറ്റങ്ങള്‍. യൂണിഫോം ചുരിദാർ മാത്രമെന്ന വ്യവസ്ഥ ഒഴിവാക്കി ഉത്തരവിറക്കി.

ഇതോടെ, താല്പര്യമുള്ള കണ്ടക്ടർമാർക്ക് പാന്റ്സും ഷർട്ടും ധരിക്കാവുന്നതാണ്. എന്നാല്‍, ഓവർ കോട്ട് നിർബന്ധമാണെന്ന് ഉത്തരവില്‍ വ്യക്തമാക്കി. യൂണിഫോമില്‍ ലിംഗ സമത്വം ഉറപ്പ് വരുത്തുന്നതിന്റെ ഭാഗമായാണ് നടപടി. കാക്കി നിറത്തിലാണ് പുതിയ യൂണിഫോം.

കെഎസ്‌ആർടിസി ജീവനക്കാരുടെ യൂണിഫോം പരിഷ്കരിച്ചപ്പോള്‍ വനിതകള്‍ക്ക് ചുരിദാറും ഓവർകോട്ടുമായിരുന്നു നിശ്ചയിച്ചിരുന്നത്. എന്നാല്‍ ബസില്‍ ജോലി ചെയ്യുമ്ബോള്‍ ചുരിദാറിനെക്കാള്‍ പാന്റ്സും ഷർട്ടുമാണ് സൗകര്യമെന്ന് ചൂണ്ടികാട്ടി കുറച്ചു ജീവനക്കാർ സിഎംഡിക്ക് നിവേദനം നല്‍കിയിരുന്നു. ഇതിനെ തുടർന്നാണ് പുതുക്കിയ ഉത്തരവ് പുറത്തിറക്കിയത്.