![“Manju”](https://santhigirinews.org/wp-content/uploads/2020/04/YOUTUBE.jpg")
തിരുവനന്തപുരം: സംസ്ഥാനത്ത് സൈബര്‍ തട്ടിപ്പ് വ്യാപകമാകുന്നു. കഴിഞ്ഞ നാല് ദിവസത്തിനിടെ സംസ്ഥാനത്ത് നഷ്ടമായത് നാല് കോടിയിലധികം രൂപയാണ്. തട്ടിപ്പ് വാട്സ് ആപ്പ് ടെലിഗ്രാം ഉള്‍പ്പെടെയുള്ള നവമാധ്യമങ്ങള്‍ ഉപയോഗിച്ചാണ് തട്ടിപ്പ്.
സംസ്ഥാനത്ത് ഓണ്‍ലൈന്‍ തട്ടിപ്പിന് ഇരയാകുന്നവരുടെ എണ്ണത്തില്‍ വന്‍ വര്‍ധനവാണ് ഉണ്ടായിരിക്കുന്നത്. വിവിധ തട്ടിപ്പുകളില്‍ സൈബര്‍ പോലീസ് മാത്രം രജിസ്റ്റര്‍ ചെയ്ത് 10 എഫ്ഐആറുകളാണ്. തിരുവനന്തപുരം തൃശൂര്‍ ജില്ലകളില്‍ മൂന്നും പാലക്കാട് വയനാട് ജില്ലകളില്‍ രണ്ടു വീതം എഫ്ഐആറുകളാണ് രജിസ്റ്റര്‍ ചെയ്തത്.
വാട്സ്ആപ്പ് ടെലിഗ്രാം അക്കൗണ്ടുകള്‍ വഴിയാണ് ഭൂരിഭാഗം തട്ടിപ്പുകളും നടത്തുന്നത്. തട്ടിപ്പിനിയാക്കുന്നവരില്‍ ഭൂരിഭാഗവും ഉന്നത വിദ്യാഭ്യാസം ഉള്ളവരാണ്.തട്ടിപ്പുകള്‍ ആവര്‍ത്തിക്കുമ്പോഴും കേസെടുക്കുന്നതിനപ്പുറമുള്ള നടപടികളിലേക്ക് സാധിക്കാത്ത അവസ്ഥയിലാണ് പൊലീസ്. ദിവസങ്ങളില്‍ സൈബര്‍ തട്ടിപ്പ് കേസുകള്‍ ഇനിയും വരുമെന്നാണ് സൈബര്‍ വിദഗ്ധരുടെ നിഗമനം.
