ഡല്ഹി ; രാജ്യത്ത് ഗ്രീന് ഫംഗസും സ്ഥീരികരിച്ചു. ഇന്ദോര് സ്വദേശിയിലാണ് ഗ്രീന് ഫംഗസ് കണ്ടെത്തിയത് . കോവിഡ് രോഗമുക്തി നേടിയയാളെ വിശദ പരിശോധനക്ക് വിധേയമാക്കിയപ്പോഴാണ് ഗ്രീന് ഫംഗസ് കണ്ടെത്തിയതെന്ന് ശ്രീ അരബിന്ദോ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സിലെ ഡോക്ടറായ രവി ദോസി പറഞ്ഞു.
അതേസമയം രണ്ട് മാസങ്ങള്ക്ക് മുമ്പാണ് രോഗിയെ കോവിഡ് ലക്ഷണങ്ങളോടെ ആശുപത്രിയില് പ്രവേശിപ്പിച്ചത്. ഒരു മാസത്തോളം ഇയാള് ഐ.സി.യുവില് ചികിത്സയിലായിരുന്നു. പിന്നീട് കോവിഡ് മുക്തിയുണ്ടായെങ്കിലും കടുത്ത പനി തുടരുകയായിരുന്നു. മൂക്കിലൂടെ രക്തം വരികയും ചെയ്തിരുന്നു. ഭാരം കുറഞ്ഞത് മൂലം രോഗി അതീവ ക്ഷീണതനായിരുന്നുവെന്നും ഡോക്ടര്മാര് അറിയിച്ചു.