InternationalLatest
ജര്മനിയില് കൊവിഡ് വ്യാപനം രൂക്ഷം
ബെര്ലിന്: ജര്മനിയില് കോവിഡ് കേസുകള് കുതിച്ചുയരുന്നു. കഴിഞ്ഞ ഏതാനും ആഴ്ചകളായി പ്രതിദിന കേസുകള് കുത്തനെ കൂടുകയാണ്. രാജ്യത്ത് കോവിഡ് വാക്സിന് വിതരണം മന്ദഗതിയിലായതാണ് കോവിഡ് കേസുകള് വര്ധിക്കാന് കാരണമായത്. രാജ്യത്ത് ഇതുവരെ 67 ശതമാനം ജനങ്ങള് മാത്രമാണ് വാക്സിന് സ്വീകരിച്ചിട്ടുള്ളൂവെന്നാണ് റിപ്പോര്ട്ട്.
കഴിഞ്ഞ 24 മണിക്കൂറിനിടെ മാത്രം 37,120 പുതിയ കോവിഡ് കേസുകളാണ് രാജ്യത്ത് റിപ്പോര്ട്ട് ചെയ്തത്. ലോകത്ത് കോവിഡ് മഹാമാരി ആരംഭിച്ചതിനു ശേഷം രാജ്യത്ത് റിപ്പോര്ട്ട് ചെയ്യുന്ന ഏറ്റവും കൂടിയ പ്രതിദിന കോവിഡ് കേസുകളാണിത്.