ശ്രീജ.എസ്
ന്യൂഡല്ഹി: കോവിഡ് വാക്സിന്റെ ഉല്പ്പാദനവും വിതരണവും എളുപ്പം സാധ്യമാക്കാന് രാജ്യത്തെ പ്രമുഖ മരുന്ന് നിര്മ്മാണ കമ്പനിയായ സെറം ഇന്സ്റ്റിറ്റ്യൂട്ട് ഓഫ് ഇന്ത്യ ലോകത്തെ സമ്പന്നരില് ഒരാളായ ബില് ഗേറ്റ്സുമായി കൈകോര്ക്കുന്നു. 10 കോടി കോവിഡ് വാക്സിന്റെ ഉല്പ്പാദനവും ലഭ്യതയും വേഗത്തിലാക്കാന് ലക്ഷ്യമിട്ടാണ് സെറം ബില് ഗേറ്റ്സിന്റെ ബില് ആന്റ് മെലിന്ദ ഗേറ്റ്സ് ഫൗണ്ടേഷനുമായി സഹകരിക്കുന്നത്. ഇതിന് പുറമേ ഗവി, ദി വാക്സിന് അലയന്സ് എന്നിവരുമായി സഹകരിക്കാനും സെറം തീരുമാനിച്ചിട്ടുണ്ട്.
പ്രമുഖ കമ്പനിയായ ആസ്ട്രാ സെനെക്കേയുടെയും നോവാവാക്സിന്റെയും വാക്സിനുകള് ഇന്ത്യയിലും മറ്റു പിന്നാക്ക രാജ്യങ്ങളിലും ലഭ്യമാക്കാനാണ് കമ്പനി ലക്ഷ്യമിടുന്നത്. മാസങ്ങള്ക്കകം ഇന്ത്യയില് മാത്രം 10 കോടി ഡോസ് വാക്സിന് ഉല്പ്പാദിപ്പിച്ച് വിതരണത്തിന് സജ്ജമാക്കാനാണ് കമ്പനി പദ്ധതിയിടുന്നത്.