ശ്രീജ.എസ്
ന്യൂഡല്ഹി: മൊറട്ടോറിയം കാലയളവിലെ കൂട്ടുപലിശ ഒഴിവാക്കുന്നതിൻ്റെ ഭാഗമായുള്ള മാര്ഗനിര്ദ്ദേശങ്ങള് കേന്ദ്ര സര്ക്കാര് പുറപ്പെടുവിച്ചു. രണ്ടുകോടി രൂപ വരെയുള്ള വായ്പകള്ക്ക് കൂട്ടുപലിശ ഒഴിവാക്കുമെന്നായിരുന്നു കേന്ദ്ര സര്ക്കാരിന്റെ പ്രഖ്യാപനം. ഡിപ്പാര്ട്മെന്റ് ഓഫ് ഫിനാന്ഷ്യല് സര്വീസാണ് ഇതുമായി ബന്ധപ്പെട്ട മാര്ഗനിര്ദേശങ്ങള് പുറപ്പെടുവിച്ചിരിക്കുന്നത്.
ഇതോടെ ഉപയോഗപ്പെടുത്തിയവര്ക്കും അല്ലാത്തവര്ക്കും ഇതിന്റെ പ്രയോജനം ലഭിക്കും.നേരത്തെ കോവിഡ് മഹാമാരിയുടെ പശ്ചാത്തലത്തില് രണ്ടുകോടി രൂപ വരെയുള്ള വായ്പകള്ക്ക് ആര്.ബി.ഐ. മൊറട്ടോറിയം പ്രഖ്യാപിച്ചിരുന്നു.രണ്ടുകോടി രൂപ വരെയുള്ള വായ്പകള്ക്ക് മൊറട്ടോറിയം കാലയളവില് കൂട്ടുപലിശ ഒഴിവാക്കണമെന്ന് ഒക്ടോബര് 14ന് സുപ്രീം കോടതി കേന്ദ്രസര്ക്കാരിന് നിര്ദേശം നല്കിയിരുന്നു.
രണ്ട് കോടി വരെയുള്ള വായ്പകള്ക്ക് ആറ് മാസ കാലയളവില് ഈ ആനുകൂല്യം ലഭിക്കും. ഇളവ് നല്കുന്ന തുക സര്ക്കാര് ബാങ്കിങ് കമ്പനികള്ക്ക് നല്കും. 500 കോടി രൂപ മുതല് 6000 കോടി രൂപ വരെയാണ് പുതിയ പദ്ധതിക്കായി സര്ക്കാര് ചെലവഴിക്കുന്ന തുക.എം.എസ്.എം.ഇ, വിദ്യാഭ്യാസ വായ്പ, വ്യക്തിഗത വായ്പ, കെഡ്രിറ്റ് കാര്ഡ് തിരിച്ചടവ്, കണ്സ്യൂമര് വായ്പ, വാഹന വായ്പ തുടങ്ങിയവയ്ക്കും ഈ രണ്ട് കോടി രൂപ വരെ വായ്പുള്ളവര്ക്ക് മാത്രമേ ഈ ആനൂകുല്യത്തിന് അര്ഹതയുള്ളു. റിസര്വ് ബാങ്ക് പ്രഖ്യാപിച്ച മൊറട്ടോറിയം പദ്ധതി മുഴുവനായോ ഭാഗികമായോ വിനിയോഗിച്ചവര്ക്കും മൊറട്ടോറിയം ലഭിക്കാത്തവര്ക്കും പുതിയ പദ്ധതിയുടെ ആനുകൂല്യം ലഭിക്കും.