ജി ഏഴ് ഉച്ചകോടിയില് പങ്കെടുക്കാന് പ്രധാനമന്ത്രി നരേന്ദ്ര മോദി നാളെ ജര്മ്മനിയില് എത്തും. തിങ്കളാഴ്ച്ച വരെയാണ് ഉച്ചകോടിയുടെ ഭാഗമായി മോദിയുടെ ജര്മ്മനി സന്ദര്ശനം. ജര്മ്മനിയിലെ ഷ്ലോസ് എല്മൗയിലാണ് ഉച്ചകോടി. പരിസ്ഥിതി, ഊര്ജം, കാലാവസ്ഥ, ഭക്ഷ്യസുരക്ഷ, ആരോഗ്യം, ലിംഗസമത്വം, ജനാധിപത്യം എന്നിവ ഉള്പ്പെടുന്ന രണ്ട് സെഷനുകളില് പ്രധാനമന്ത്രി സംസാരിച്ചേക്കും. ചില നേതാക്കളുമായി കൂടിക്കാഴ്ചയും നടത്തും.
ഉച്ചകോടിയില് പങ്കെടുത്ത ശേഷം പ്രധാനമന്ത്രി ജൂണ് 28 ന് യു.എ.ഇയിലെത്തും. യു.എ.ഇ മുന് പ്രസിഡന്റും അബുദാബി ഭരണാധികാരിയുമായ ഷെയ്ഖ് ഖലീഫ ബിന് സായിദ് അല് നഹ്യാന്റെ വേര്പാടില് അനുശോചനം രേഖപ്പെടുത്താനും പുതിയ ഭരണാധികാരി ശൈഖ് മുഹമ്മദ് ബിന് സായിദ് അല് നഹ്യാനെ അഭിനന്ദിക്കാനുമാണ് യാത്ര. നുപുര് ശര്മ്മയുടെ നബി വിരുദ്ധ പ്രസ്താവനക്കെതിരെ യുഎഇ ഉള്പ്പെടെ ഗള്ഫ് രാജ്യങ്ങള് വലിയ പ്രതിഷേധം അറിയിച്ചിരുന്നു. ഇതിനു പിന്നാലെയാണ് മോദിയുടെ സന്ദര്ശനം.