ആറ് ഇന്ത്യന് കമ്പനികള്ക്ക് ചൈനയില് വിലക്ക്
ബെയ്ജിങ്: കൊറോണ വൈറസ് സാന്നിധ്യം കണ്ടെത്തിയതിനെ തുടര്ന്ന് 6 ഇന്ത്യന് കമ്പനികളുടെ ശീതീകരിച്ച സമുദ്രവിഭവങ്ങളുടെ ഇറക്കുമതി നിരോധിച്ചതായി ചൈന അറിയിച്ചു . പാക്കേജില് കൊറോണ വൈറസിന്റെ സാന്നിധ്യം പരിശോധനയില് തെളിഞ്ഞതായി ചൈനീസ് കസ്റ്റംസ് അറിയിക്കുകയായിരുന്നു.
ലോകത്തിന്റെ വിവിധ ഭാഗങ്ങളില്നിന്ന് ഇറക്കുമതി ചെയ്യുന്ന ഭക്ഷ്യവിഭവങ്ങളില് ചൈനീസ് അധികൃതര് പരിശോധന കര്ശനമാക്കിയിരുന്നു. 2020 മുതല് നിരവധി കമ്പനികളില് നിന്ന് ഭക്ഷ്യവിഭവങ്ങള് ഇറക്കുമതി ചെയ്യുന്നതിന് നിരോധനം ഏര്പ്പെടുത്തുകയും ചെയ്തിരുന്നു.
ആറു ഇന്ത്യന് കമ്പനികളില്നിന്ന് സമുദ്രവിഭവങ്ങള് ഇറക്കുമതി ചെയ്യുന്നതിന് ഒരാഴ്ചത്തേക്കാണ് വിലക്കേര്പ്പെടുത്തിയത്. 2019 ഡിസംബറില് ചൈനയിലെ വുഹാനില് ഉത്ഭവിച്ച കൊറോണ വൈറിസന്റെ വ്യാപനം രാജ്യത്ത് വന്തോതില് നിയന്ത്രിച്ചിരുന്നു. അതെ സമയം വിദേശത്തുനിന്ന് എത്തുന്നവര്ക്ക് രോഗം സ്ഥിരീകരിക്കുന്നത് രാജ്യത്ത് ആശങ്ക ഉയര്ത്തുന്നുണ്ട് .