![“Manju”](https://santhigirinews.org/wp-content/uploads/2020/04/YOUTUBE.jpg")
പതിമൂന്ന് വർഷമായി മുടക്കമില്ലാതെ സ്കന്ദഷഷ്ഠിക്ക് പഴനിമലയിലെത്തുന്നതാണ് കസ്തൂരി ആന. അതും 800 പടികൾ ചവിട്ടിക്കയറി. ദേവസ്വം ബോർഡിന്റെ ആനയാണ് 54 കാരിയായ കസ്തൂരി. ഉൽസവം തുടങ്ങുന്ന അന്ന് മലമുകളിലെത്തുന്ന കസ്തൂരി ഏഴുദിവസത്തെ ഉൽസവത്തിന് ശേഷം മാത്രമേ മലയിറങ്ങൂ.
പഴനിമലയിലേക്ക് മുടക്കമില്ലാതെ കസ്തൂരിയെത്താൻ തുടങ്ങിയത് 2007 മുതലാണ്. പിന്നീട് തൈപ്പൂയം, പൈങ്കുനി ഉത്രം, തുടങ്ങി മാരിയമ്മൻ ക്ഷേത്രത്തിലെ തേരോട്ടത്തിൽ വരെ കസ്തൂരി മുടക്കമില്ലാതെ പങ്കെടുക്കും. 4,650 കിലോ ഭാരമുള്ള ശരീരവുമായാണ് കസ്തൂരി 800 പടിയും കയറി പഴനിമലയിലെത്തുന്നത്.
