International
സൗദി എയർലൈൻസ് വിദേശ സര്വിസുകള് പുനരാരംഭിക്കുന്നു.
ശ്രീജ.എസ്
സൗദി എയര്ലൈന്സ് വിദേശ സര്വിസുകള് പുനരാരംഭിക്കുന്നു. ഇന്ത്യയില് കൊച്ചി, മുംബൈ, ഡല്ഹി എന്നിവ ഉള്പ്പെടെ ലോകമാകെ 33 ഇടങ്ങളിലേക്കാണ് നവംബറില് സര്വിസ് പുനരാരംഭിക്കുക . കേരളത്തില് കൊച്ചിയിലേക്കും തിരിച്ചും മാത്രമാണ് സര്വിസ്. ഡല്ഹി, മുംബൈ എന്നിവിടങ്ങളിലേക്കും അവിടെ നിന്ന് തിരിച്ചും സര്വിസുണ്ടാവും.
ഏഷ്യയില് മൊത്തം 13 സ്ഥലങ്ങളിലേക്കും മധ്യപൗരസ്ത്യ മേഖലയില് ആറിടങ്ങളിലേക്കും സര്വിസ് നടത്തും. യൂറോപ്പിലും അമേരിക്കയിലുമായി എട്ട് വിമാനത്താവളങ്ങളിലേക്ക് സര്വിസുണ്ട്. ആഫ്രിക്കയില് ആറ് സ്ഥലങ്ങളിലേക്കും സര്വിസ് നടത്തും. കോവിഡ് പ്രോട്ടോക്കോള് പാലിച്ചായിരിക്കും യാത്രക്കാരെ യാത്രക്ക് അനുവദിക്കുക.